Bu esa futbol tarixidagi birinchi holat emas. Quyida bu borada so'z yuritamiz.
JCH-1938. Ispaniya
Bu kabi holat birinchi marotaba 1938 yilgi mundial oldidan yuz bergan. O'shanda ispaniyaliklar jabr ko'rgan. Negaki 1936 yilda ushbu mamlakatda fuqarolik urushi avj olgan va bu voqea salkam uch yil davom etgan.
JCH-1950. Germaniya va Yaponiya
Bu ikkisi ham 1950 yildagi mundialni o'tkazib yuborgan. Bunga ikkinchi jahon urushidagi ishtirok bilan bog'liq. FIFA va BMT o'zaro kelishgan holda shuni lozim topishgan.
JCH-1958. Janubiy Koreya va Efiopiya
Ikkisi turli vaziyat tufayli turnir uchun qaydnomani so'nggi soniyalarda topshirishgan. Natijada FIFA ularni musobaqaga qo'ymagan. Bu reglamentga zid holat sifatida tan olingan hamda Janubiy Koreya va Efiopiya mundialni o'tkazib yuborishga majbur bo'lgan.
JCH-1966. 4 ta terma jamoa
JAR, Gvatemala, Filippin va Kongo. Birinchisi siyosiy vaziyat sababli qatnasha olmagan bo'lsa, Gvatemala muddatga amal qilmagan, Filippin badal pulini o'tkazmagan, Kongo esa qaydnomani berishni paysalga solgan.
JCH-1986. Eron
Meksika mezbonligi ostida o'tkazilgan mundial saralashida Eron ishtirok etmagandi. Bunga etarlicha sabablar ko'rsatilgan. Eron o'sha vaqtda Iroq bilan urushayotgani sababli saralashda ishtirok eta olmagan. Biroq FIFA mojaroning ikkinchi azosi Iroqqa hech qanday to'siq qo'ymagan. Natijada, ular saralashni muvaffaqiyatli tugata olishgan.
JCH-1990. Meksika va Chili
Qizig'i shundaki, oradan to'rt yil o'tib, kutilmaganda Meksika saralashda ishtirok eta olmaydi. Yoshlar o'rtasidagi kichik mundialda terma jamoa azolaridan birining yoshi bilan bog'liq firibgarlik holati yuzaga keladi. Natijada, asosiy terma jamoa musobaqadan chetlatiladi.
Shuningdek, Chili ham mundialdan quruq qolgan. Braziliya bilan hal qiluvchi bellashuvda – hisob 0:1 bo'lib turgan vaqtda chililikar posboni tribunadan otilgan fayer tufayli shikastlanganini ko'rsatadi. Keyinchalik o'yin to'xtatilib, jamoa maydoni tark etadi va maydonga qaytishni istamaydi.
Voqeadan keyin vaziyatni o'rganish jarayonida chililik darvozabon qo'lqoplari orasidagi lezviya orqali o'zini shikastlaani aniqlangan. Agar bu chindan ham fayer tufayli sodir bo'lganida, Braziliyaga texnik mag'lubiyat yozilishi mumkin edi. Afsuski, bu reja amalga oshmaydi. Futbolchi umrbod futboldan chetlatilgan bo'lsa, terma jamoasi JCHda qatnishish huquqidan mahrum bo'ladi.
JCH-1994. Yugoslaviya va Liviya
AQSHda bo'lib o'tgan mundial saralashida esa mazkur ikki terma jamoa ham ishtirok etmagan. Yugoslaviyada davom etayotgan urush sabab shunday qaror qabul qilingan. Liviya esa terrorchilikni qo'llab-quvvatlaganlikda ayblanib, birinchi raqmli musobaqada qatnashish imkoniyatidan mahrum qilinadi.
JCH-2002. Gviana
Yaponiya va Janubiy Koreya yashil maydonlarida o'tkazilgan musobaqa saralash bahslarida Gviana ishtirok etmagan. Franciya nazoratida turadigan ushbu mamlakat moliyaviy muammolarga duch kelgan. Shundan kelib chiqib, FIFA Gviana turnirda ishtirok etmasligini malum qilgan.
JCH-2014. Bruney
Bu erda hukumat milliy futbol federaciyasi ishiga aralashgani sabab bo'lgan. Natijada, FIFA o'ylab-o'tirmasdan mazkur terma jamoani saralash bahslariga qo'ymaydi. Aslini olganda, Osiyoning mitti mamlakatida futbol keng rivojlanmagan. Hattoki milliy klublari ham xalqaro musobaqalarda ishtirok etmaydi.
JCH-2018. Indoneziya va Zimbabve
Rossiya mezbonlik qilgan musobaqa saralash bahslariga yuqoridagi terma jamoalar qo'yilmagandi. Indoneziya hukumati mahalliy futbol federaciyasi ishiga aralashuvi tufayli ishtirok etmagan. Zimbabvedagi holat biroz g'alati. Aniqrog'i, federaciya terma jamoa bosh murabbiyiga maosh to'lamagani bois FIFA tomonidan qattiq jazo olgan.
Samandarbek tarjimasi
Izohlar