O'yin haqida

- O'yinni ko'rdinglar, 15 daqiqada 3 ta gol bizni "shok" xolatiga tushirib qo'ydi. Shu sababdan ham biz bugungi o'yindan yirik hisobdagi mag'lubiyat bilan qaytayapmiz. Mag'lubiyat uchun barcha aybni o'z zimmamga olaman.

- Darhaqiqat bugungi uchrashuv "Xorazm"ning joriy mavsumdagi eng yirik hisobdagi mag'lubiyati bilan yakunlandi. Nima deb o'ylaysiz, buning asosiy sababi nima?

- Futbolni aldab bo'lmaydi. Mavsum boshida o'zimiz istagan mahoratli futbolchilarni tarkibga jalb eta olmadik. Ikkinchi davrada ham tarkibimizni kuchaytirish borasida yangiliklar bo'lmadi. Aksincha, ayrim futbolchilar jamoamizni tark etishdi.

- O'yin qaydnomasida zaxirada ko'rsatilgan futbolchilar soni oz edi. Bunga nima sabab bo'ldi?

- Takrorlayman, futbolni aldab bo'lmaydi. Bizda hozir jarohatlar va kartochkalar tufayli chiziqlarda muammo yuzaga kelgan. Mag'lubiyat uchun uzr so'rayman va barcha aybni o'z zimmamga olaman.

- "Xorazm" jamoasining kuchli beshlikka kirishi va Superliga uchun kurash olib borishi imkoniyatlarini qanday baholaysiz?

- Imkoniyat saqlanib turibdi. Biroq, tobora kamayib borayapti. Biz har bir o'yinda g'alaba uchun maydonga chiqamiz.

Bunaqangi mag'lubiyatni qabul qilish men uchun og'ir kechadi. Balki keyingi o'yinga boshqa murabbiy jamoani tayyorlashi ham mumkin, ko'ramiz.

Ruslan Ahmedov: "Futbolni aldab bo'lmaydi"