17 mart kuni start olgan ushbu turnir guruh bosqichida Ahmadjon Musaev boshchiligidagi 1999 yilda tavallud topgan futbolchilardan tashkil topgan terma jamoa Yaponiya U-17, Janubiy Koreya U-17 hamda Pekin-U17 terma jamoalari bilan bir guruhdan o'rin olgandi. Musobaqada shuningdek, Yaponiya mahalliy klublarining 17 yoshgacha bo'lgan o'smirlar jamoalari ham ishtirok etmoqda. 16 ishtirokchi jamoa 4tadan 4 guruhga bo'linib, bahslarni o'tkazdi.

O'zbekiston U-17 dastlabki uchrashuvni Yaponiyaga qarshi o'tkazib, 0:0 hisobidagi durang natija qayd etdi. Musobaqa reglamentiga ko'ra duarng bilan yakunlangan asosiy vaqtdan so'ng, penaltilar seriyasi o'tkazildi va unda yaproniyaliklar g'alabani qo'lga kiritdi - 5:3.

17 mart kunining ikkinchi yarmida ushbu musobaqa doirasida jamoalar ikkinchi uchrashuvlarini o'tkazishdi. Unda Ahmadjon Musaev boshchilik qilayotgan jamoa Pekin o'smirlar terma jamoasiga qarshi maydonga tushib, 1:0 hisobida g'alabani qo'lga kiritdi

18 mart kuni esa turnirning navbatdagi uchrashuvlari bo'lib o'tdi. Ahmadjon Musaev jamoasi 3-tur o'yinlari doirasida Janubiy Koreyalik tengdoshlariga qarshi maydonga tushdi. Uchrashuv asosiy vaqtida g'olib aniqlanmadi va turnir reglamentiga ko'ra penaltilar seriyasi o'tkazildi. Unda o'zbekistonliklar 6:5 hisobida g'alaba qozondi.

Takidlash kerakki, musobaqa reglamentiga ko'ra, o'yinning asosiy vaqtida g'alaba qozongan jamoaga 4 ochko, asosiy vaqtda mag'lub bo'lgan jamoaga 0 ochko, penaltilar seriyasi bo'yicha g'alaba qozongan jamoaga 2,5 ochko, penaltilar bo'yicha mag'lub bo'lgan jamoaga 1,5 ochko beriladi.

Shu tariqa, O'zbekiston U-17 terma jamoasi guruh bosqichida 8 ochko jamg'arib, keyingi bosqichga yo'l olgandi.

Chorak finalda O'zbekiston U-17 Yaponiya mahalliy klublaridan biri – “Omiya Ardija” bilan to'qnash keldi. Ushbu uchrashuv 2:1 hisobida Musaev boshchilik qilayotgan jamoa g'alabasi bilan yakun topdi.

Yarim final bahsida esa o'zbekistonliklardan Islom Kenjaboev (32) hamda Boburjon Asqarov (38) o'z hisobiga gol yozib qo'yishdi. Biroq O'yinning 32-daqiqasida Muhammad-Yusuf Abdumajidov maydondan chetlatilgach, O'zbekiston U-17 o'yinni 10 nafar futbolchi bilan davom ettirishiga to'g'ri keldi. Yakunda yapon klubi uch bora Umidjon Ergashev qo'riqlagan darvozani ishg'ol qilib, g'alabani qo'lga kiritdi va finalga yo'l oldi.

O'zbekiston U-17 terma jamoasi esa 20 mart kuni uchinchi o'rin uchun bo'ladigan uchrashuvda ishtirok etadi.

SANIX xalqaro kubogi.

O'zbekiston U-17 – “Funbashi” U-17 (Yaponiya) 2:3

Gollar: Islom Kenjaboev (32), Boburjon Asqarov (38)

O'zbekiston U-17:12. Umidjon Ergashev, 2. Burxon Usmonov, 3. Ilhomjon Alijonov 5. Xudoyshukr Sattorov, 6. DostonbekBerdiqulov, 7. Boburjon Asqarov, 8. Jahongir Ahmedov, 15. Islom Kenjaboev, 16. Suxrob Izzatov,17. Afzaljon Xolmuhamedov, 19. Muhammad-Yusuf Abdumajidov.

Zaxira:1. Akrom Xo'jaev, 4. Otabek Bekboev, 9. Kamron Saidazimov, 10. Zokirjon Ahmadjonov, 11. Jahongir Abdualomov, 13. Abdullo Rahimjonov, 14. Jasur Rahimov, 18. Doniyor Azizov,21. Javohir Qilichev.

Chetlatish: Muhammad-Yusuf Abdumajidov (32)

SANIX xalqaro kubogi. O'zbekiston U-17 yarim finalda mag'lub bo'ldi va 3-o'rin uchun o'ynaydi