Albatta, BAA klubi uchun ushbu musobaqada yarim finalga chiqish va Madridning "Real" klubiga qarshi to'p tepish katta voqelik hisoblanadi. "Al Jazira" bungacha Yangi Zelandiyaning "Oklend Siti" hamda Yaponiyaning "Urava Reds" klublarini 1:0 hisobida mag'lub etdi. Malumki, amirlik klubi tarkibida hamyurtimiz Sardor Rashidov faoliyat olib bormoqda.

Jamoa bosh murabbiyi Xenk ten Kate bugungi o'yin oldidan intervyu berar ekan shunday dedi:

- "Biz "Real"dek jamoa bilan o'ynashga tayyormiz. Jamoamiz yosh va tarkibda iqtidorli futbolchilar ko'p. Ular g'alabalarga chanqoq. Biz har bir o'yinda g'alaba uchun maydonga chiqamiz".

- "Men turli yillarda Xitoy, Vengriya, Qatar, Greciyada ishlaganman hamda doim yuqori o'rinlar uchun harakat qilganman. Lekin klublar o'rtasidagi jahon chempionatida yarim finalga qadar etib kelish men uchun eng katta yutuq hisoblanadi. Albatta, "Real" - buyuk jamoa. Ularga qarshi tengma-teng o'ynash oson bo'lmaydi".

Sardor Rashidov jamoasi "Real" bilan o'yinga tayyor