Албатта, БАА клуби учун ушбу мусобақада ярим финалга чиқиш ва Мадриднинг "Реал" клубига қарши тўп тепиш катта воқелик ҳисобланади. "Ал Жазира" бунгача Янги Зеландиянинг "Оклэнд Сити" ҳамда Япониянинг "Урава Редс" клубларини 1:0 ҳисобида мағлуб этди. Маълумки, амирлик клуби таркибида ҳамюртимиз Сардор Рашидов фаолият олиб бормоқда.

Жамоа бош мураббийи Хенк тен Кате бугунги ўйин олдидан интервью берар экан шундай деди:

- "Биз "Реал"дек жамоа билан ўйнашга тайёрмиз. Жамоамиз ёш ва таркибда иқтидорли футболчилар кўп. Улар ғалабаларга чанқоқ. Биз ҳар бир ўйинда ғалаба учун майдонга чиқамиз".

- "Мен турли йилларда Хитой, Венгрия, Қатар, Грецияда ишлаганман ҳамда доим юқори ўринлар учун ҳаракат қилганман. Лекин клублар ўртасидаги жаҳон чемпионатида ярим финалга қадар етиб келиш мен учун энг катта ютуқ ҳисобланади. Албатта, "Реал" - буюк жамоа. Уларга қарши тенгма-тенг ўйнаш осон бўлмайди".

Сардор Рашидов жамоаси "Реал" билан ўйинга тайёр