Ушбу беллашувда дуранг қайд этилди. Ўйиндан сўнг “Суғдиёна” ҳимоячиси Сарвар Жўраев баҳс ҳақида ўз фикрини билдирди.

- Жуда шиддатли ўйин бўлди. Биринчи даврани ғалаба билан тугатмоқчи эдик. Учрашувдаги ҳакамларнинг хатоси, бизни ҳамда мухлисларнинг руҳиятига таъсир қилди. Биз жамоамиз билан тўхтаб қолиш ниятимиз йўқ. Озроқ танаффусдан сўнг 2-даврага тайёргарликни бошлаймиз. Жамоамиз билан 2-даврада мухлисларимизни чиройли ўйинларимиз билан албатта хурсанд қиламиз. Рамзий терма жамоада эканлигимдан хурсанд бўлдим. Бу албатта мураббийимиз Даврон Файзиевнинг меҳнатининг самараси. Голимни дадамга бағишлайман. Бу ўйинимни дадамга кўриш насиб этмади. Кейинги даврада ҳам жамоамга ғалаба келтирувчи голларни ураман деган умиддаман – дейди Жўраев.

Дилдора Холбоева суҳбатлашди

Сарвар Жўраев: “Афсуски бу голимни дадам кўра олмадилар”