"Манчестер Юнайтед" клуби ва Дания термаси ҳужумчиси Расмус Хойлунд Евро-2024 саралашидан ўрин олган Сан-Маринога қарши ўйинда рақиб ҳимоячилари ўзини жуда ёмон тутгани, уни жароҳатлашга интилишгани ҳақида гапирди.

"Кейинги ҳаракатни кут. Сени синдириб ташлаймиз. Бизни йўқотадиган ҳеч нимамиз йўқ. Бу гапларни менга улар айтишди. Ҳакам итальян тилини тушунмасди, уни айблай олмайман. Бир неча ўйинчилар мени ёнимга келиб, ҳар хил ёмон сўзларни айтишди. Улар мени итариб юборишар, зарбалар беришарди. Шу сабаб ҳам гол урганимда мен бошқача нишонладим ва ўз байроғимни кўз-кўз қилдим. Улар буни ҳазм қила олишмади, мен эса эътибор бермасликка ҳаракат қилдим.
Бу ўта ҳурматсизлик. Улар борган сари қўполлашиб бораверишди. Мен эса индамай давом этаверардим. Охирида улар янги босқичга чиқишди, чунки йўқотадиган ҳеч нарса йўқ. Шу тариқа, Сан-Марино футболчилари кимнингдир фаолиятига нуқта қўйишга эришишлари мумкин эди", -дейди Расмус Хойлунд.

"Сени синдириб ташлаймиз, йўқотадиган ҳеч нимамиз йўқ". Хойлунд Сан-Марино футболчиларининг ҳаракатлари ҳақида гапирди