Унда вилоят бош жамоаси — “Сурхон”нинг Ўзбекистон кубоги ва биринчи лига дастлабки турларида намойиш этган ўйинлари танқидий таҳлил қилинди.

Йиғилишда бир қатор ташкилий масалалар кўриб чиқилди. Жумладан, мураббийлар штабида ўзгаришлар юз берди.

“Сурхон” футбол клуби бош мураббийи Обид Худоёров оилавий шароити туфайли ўз аризасига биноан вазифасидан озод этилди. Шунингдек, менежер Хайрулла Нуруллаев, мураббий Вали Келдиев жамоани тарк этди.

Бундан кейин термизликлар таниқли мутахассис Сергей Ковшов бош мураббийлигида майдонга тушади. Унга нафақат маҳаллий, балки мамлакатимиз футбол мухлисларига яхши таниш собиқ футболчи Бахтиёр Бозоров ёрдамчи мураббий сифатида кўмаклашади.

Сергей Ковшов — “Сурхон” жамоаси бош мураббийи