Bugungi bahsda avvalgi o'yinga nisbatan yaxshiroq harakat qila oldik. Birinchi o'yindagi hayajonni engib o'ta oldik va g'alabaga erishdik - deya gap boshladi Sergey Arslanov.

- "Andijon"ning o'yinini o'rganib, ularning kuchsiz nuqtalarini o'rgandingizmi?

- Zamonaviy futbolda raqibni tahlil qilmasdan maydonga chiqib bo'lmaydi. Murabbiylar shtabi, butun jamoa katta ko'lamdagi mehnatni amalga oshirdi va bu g'alabaga sabab bo'ldi.

- Keyingi bahsdan nimalarni kutyapsiz?

- Odamlar bizni "qora tulpor"dek ko'rishgan va bir tomondan bu biz uchun yaxshi. Shunga yarasha o'ziga xos syurprizlar amalga oshira olamiz. Keyingi bahs oldidan ruhiy holatimiz juda yaxshi va bu muhim jihat. Shunday ekan navbatdagi uchrashuvda yanada qiziqroq o'yin ko'rsatishga harakat qilamiz.

- "Surxon" hujum chizig'ida muammolar yuz berdi, bu haqida nimalar deya olasiz?

- Bizda muammolar bor demagan bo'lardim. Tarkib yaxshi yig'ilgan, shunchaki ularga tajriba kerak. To'g'ri, hujumni yakunlashda bazi xatolar bo'lib turibdi. Futbolchilarga rahmat aytmoqchiman, ular katta muvaffaqiyatga erishishdi. Raqib ham kuchli o'yin namoyish etdi, bir kishi kam bo'lib qolganiga qaramasdan munosib o'yin taqdim qildi.

"Surxon" ustozi: "Zamonaviy futbolda raqibni tahlil qilmasdan maydonga chiqib bo'lmaydi"