- O'yin haqida

- Birinchi navbatda, O'zbekiston ahlini milliy terma jamoamiz jahon chempionati yo'llanmasini qo'lga kiritgani bilan tabriklayman. Barcha muxlislar, futbol ishqibozlari, shu kunni orziqib kutgan yurtdoshlarimizni ushbu yutuq bilan muborakbod etaman.

O'yin haqida aytadigan bo'lsam, yigitlar bugun o'zlaridan kutilgan harakatlarni ko'rsatib bera olishmadi. "Lokomotiv" bilan bahsdan farqli o'yin ko'rsatdik. Mag'lubiyatga asosiy sabab sifatida shuni ko'rsatgan bo'lardim.

- Jamoa nega birinchi bo'limda nominal hujumchilarsiz harakat qildi?

- Biz o'yinni shunaqa reja boshladik. "Aral"da qarshi hujum rejasi ham bor edi, biz shundan xato qilmaslikka urindi. Sherzod Qodirov hujumda yaxshi harakat qildi, biroq unda vaziyatlar kam bo'ldi. Futbolda bazan turli o'zgarishlarga qo'l urib turish kerak.

- Jamoa "Lokomotiv"ga qarshi juda yaxshi o'yin ko'rsatgandi. Biroq bugungi o'yinda jamoangiz o'sha uchrashuvdagi kabi harakat qila olmadi. Bunga nima sabab bo'ldi deb hisoblaysiz?

- Bu haqda aytdim, hammasi ruhiyat bilan bog'liq. Bunda futbolchining mahorati va darajasi ham muhim ahamiyat kasb etadi. Ikkinchi liga, Birinchi liga, bular boshqa daraja. Quyi ligadan chiqib kelib birdaniga kuchli o'yin namoyish etish qiyin. Pro ligada kuchli jamoalar jam bo'lgan.

Sergey Lebedev: "O'tgan o'yindagi kabi harakat qila olmadik"