- Bu bahs biz uchun juda qiyin kechdi. Tig'iz taqvimdagi o'yinlarda bir tarkib bilan o'ynash bizga katta qiyinchiliklar tug'dirmoqda. 1:0 hisobida g'alaba qozondik va bu hozir eng muhimi. Natijadan xursandman.

Jamoa juda charchab qolgan. Ko'plab futbolchilarimiz jarohat tufayli safdan chiqishgan. Zaxiradan ham o'yinga futbolchi qo'shish imkoniyati deyarli yo'q.

Gadoev nega maydonga tushmayapti? Gadoev yaxshi futbolchi. Uning uchrashuvda ishtirok etmayotganiga sabab yo'q. Shunchaki bugun taktikadan kelib chiqib o'zgarishlarin amalga oshirdim. Shohruh Gadoev hujumda juda zo'r, faol o'ynaydi. Ammo to'p uchun kurashlarda, himoyaga qaytib o'ynashda sust harakat qiladi. Shu bois uning xizmatidan bugun foydalanmadim.

Yoshlarimiz kuni kecha chempionlikni qo'lga kiritishdi. Endi keyingi o'yinlarga yoshlar jamoamizdan ham futbolchilarni tanlab olamiz. Boshqa ilojimiz yo'q.

Bugun kuch tejab o'ynaganimiz yo'q. Chunki tejaydigan kuch-quvvat qolmagan futbolchilarda.

Ertaga "Lokomotiv" - "Nasaf" o'yini? Menga qolsa bu to'qnashuvda jamoalar jangovor durang qayd etishgani maqul.

Sergey Lushan: "G'alaba qozonganimizdan xursandman"