Unda O'zbekiston futzal terma jamoasi Bahraynga qarshi o'ynadi va 6:1 hisobida zafar quchdi. Ushbu o'yindan keyin terma jamoamiz safida gol muallifiga aylangan Shahram Faxriddinov fikrlariga quloq tutdik.

- Shahram, Bahrayn bilan o'yindan keyingi taassurotlaringiz bilan o'rtoqlashsangiz...

- Baxrayn terma jamoasiga qarshi juda qiziqarli o'yin bo'ldi. Gollarga boy bellashuvda muhim g'alabani qo'lga kiritdik. Guruh bosqichini 100 foiz natija bilan tugatdik va keyingi bosqichga yo'llanma olganimizdan xursandman. O'z g'alabalarimiz bilan muxlislarimizni quvontirishda davom etmoqdamiz.

- Bahrayn terma jamoasi ko'rsatgan o'yini borasida qanday fikrdasiz?

- O'ylashimcha, biz yaratilgan imkoniyatlarimizdan to'g'ri foydalanib, raqibga hech qanday imkoniyat qoldirmadik. Raqib jamoadan har tomonlama ustun keldik.

- Quvaytda chempionat bellashuvlariga yaxshi tayyorgarlik ko'rilganmi?

- Musobakaga alo darajada tayyorgarlik ko'rilgan. Xususan bizga ham barcha shart-sharoitlar yaratib berilgan.

- Guruhda qaysi terma jamoaga qarshi bahs qiyin kechdi?

- Menimcha, Tojikiston bilan o'yin biroz qiyin kechdi.

- Keyingi bosqichdagi raqibga qarshi qanday fikrdasiz?

- Bilasizmi, keyingi bosqichda qaysi jamoaga qarshi maydonga tushishimizdan qatiy nazar, faqat g'alaba uchun o'ynaymiz. O'zbekiston xalqini Osiyo chempionatida har bir bellashuvda muvaffaqiyat qozonib, xursand qilmoqchimiz.

Shahram Faxriddinov: “Bahrayndan har tomonlama ustun keldik”