Унда Ўзбекистон футзал терма жамоаси Баҳрайнга қарши ўйнади ва 6:1 ҳисобида зафар қучди. Ушбу ўйиндан кейин терма жамоамиз сафида гол муаллифига айланган Шаҳрам Фахриддинов фикрларига қулоқ тутдик.

- Шаҳрам, Баҳрайн билан ўйиндан кейинги таассуротларингиз билан ўртоқлашсангиз...

- Бахрайн терма жамоасига қарши жуда қизиқарли ўйин бўлди. Голларга бой беллашувда муҳим ғалабани қўлга киритдик. Гуруҳ босқичини 100 фоиз натижа билан тугатдик ва кейинги босқичга йўлланма олганимиздан хурсандман. Ўз ғалабаларимиз билан мухлисларимизни қувонтиришда давом этмоқдамиз.

- Баҳрайн терма жамоаси кўрсатган ўйини борасида қандай фикрдасиз?

- Ўйлашимча, биз яратилган имкониятларимиздан тўғри фойдаланиб, рақибга ҳеч қандай имконият қолдирмадик. Рақиб жамоадан ҳар томонлама устун келдик.

- Қувайтда чемпионат беллашувларига яхши тайёргарлик кўрилганми?

- Мусобакага ало даражада тайёргарлик кўрилган. Хусусан бизга ҳам барча шарт-шароитлар яратиб берилган.

- Гуруҳда қайси терма жамоага қарши баҳс қийин кечди?

- Менимча, Тожикистон билан ўйин бироз қийин кечди.

- Кейинги босқичдаги рақибга қарши қандай фикрдасиз?

- Биласизми, кейинги босқичда қайси жамоага қарши майдонга тушишимиздан қатъий назар, фақат ғалаба учун ўйнаймиз. Ўзбекистон халқини Осиё чемпионатида ҳар бир беллашувда муваффақият қозониб, хурсанд қилмоқчимиз.

Шаҳрам Фахриддинов: “Баҳрайндан ҳар томонлама устун келдик”