Ertadan jamoalarimiz uchinchi tur uchrashuvlarini boshlaydi. Raqiblar darajasi turlicha. Tabiiyki, tarkibda ham tafovutlar katta. Quyida "Sharja", "Sepaxon", "Axal", "Nassaji Mazandaran" tarkiblariga nazar tashlaymiz.
"Sepaxon"
O'zbek jamoalari uchun begona hisoblanmagan "Sepaxon" tarkibda mahalliy futbolchilarga etibor qaratgan. Jamoada faqatgina ikki nafar legioner to'p tepadi. Ular Nilson Junior (Braziliya), Brayan Dabo (Franciya). Milliy terma jamoa futbolchilari 11 nafarni tashkil qiladi. Jamoaning o'rtacha yoshi 27. Transfermarket portali isfahonliklarning tarkibini 11,43 million evroga baholagan.
Eng qimmat futbolchilar uchligi:
Omid Nurafkan - 1,2 million evro
Rizo Asadi - 1,2 million evro
Shahriyor Mogxanlo - 1 million evro
Legionerlar:
Nilson Junior 250 ming evro
Brayan Dabo 600 ming evro
"Sharja"
"Nasaf"ning ertangi raqibi BAA Pro ligasining eng qimmat klubi hisoblanadi. "Sharja" tarkibi 36,57 million evroga baholangan. Tarkibda 9 nafar legioner to'p tepadi. Jamoaning o'rtacha yoshi 27,3. "Barselona", "Yuventus" sobiq futbolchisi Miralem Pyanich eng qimmat futbolchilar ro'yxatini boshqarmoqda.
Eng qimmat futbolchilar uchligi:
Miralem Pyanich (Bosniya va Gercogovina) - 5 million evro
Lukas Kayo (Braziliya) - 5 million evro
Luan Perreyra (Braziliya) - 4,5 million evro
Qolgan legionerlar:
Firas Ben Larbi (Tunis) - 4 million evro
Musa Marega (Mali) - 3,5 million evro
Usman Kamara (Gvineya) - 2,5 million evro
Kostantinos Manolas (Greciya) - 2,5 million evro
Maro Katinich (Xorvatiya) - 500 ming evro
Makete Diop (Senegal) - 50 ming evro
"Axal"
Qo'shnilarimiz kamtarona tarkibga ega bo'lsada OCHLda kutilmagan natijalar qayd etayotgani bilan etibor tortmoqda. Nazar tashlaydigan bo'lsak, "Axal" tarkibida faqat bir nafar legioner borligini ko'rishimiz mumkin. Jamoaning eng qimmat futbolchisi 2000 yilda tug'ilgan Meylis Diniev. Keyingi o'rinda "Andijon" va "Navbahor" jamoalarida to'p tepgan Elman Tagaev joy olgan. Jamoaning o'rtacha yoshi 27,5
Eng qimmat futbolchilar uchligi:
Meylis Diniev - 75 ming evro
Elman Tagaev - 75 ming evro
Dayanch Meredov - 50 ming evro
Legionerlar:
Didier Bassamagne (Senegal) -
"Nassaji Mazandaran"
"Navbahor"ning raqibida nomdor legioner va terma jamoa futbolchilari yo'q. Tarkibdan faqat ikki nafar legioner joy olgan. Bular ispaniyalik Nano va iroqlik Alaa Abbos. Bugungi kunda tarkibning umumiy narxi 5,96 million evroga baholangan.
Eng qimmat futbolchilar uchligi:
Nono (Ispaniya) - 750 ming evro
Muhammadrizo Azadi - 450 ming evro
Ismoil Babaei - 375 ming evro
Izohlar