Эртадан жамоаларимиз учинчи тур учрашувларини бошлайди. Рақиблар даражаси турлича. Табиийки, таркибда ҳам тафовутлар катта. Қуйида "Шаржа", "Сепахон", "Ахал", "Нассажи Мазандаран" таркибларига назар ташлаймиз.

"Сепахон"

Ўзбек жамоалари учун бегона ҳисобланмаган "Сепахон" таркибда маҳаллий футболчиларга эътибор қаратган. Жамоада фақатгина икки нафар легионер тўп тепади. Улар Нилсон Жуниор (Бразилия), Браян Дабо (Франция). Миллий терма жамоа футболчилари 11 нафарни ташкил қилади. Жамоанинг ўртача ёши 27. Трансфермаркет портали исфаҳонликларнинг таркибини 11,43 миллион еврога баҳолаган.

Энг қиммат футболчилар учлиги:

Омид Нурафкан - 1,2 миллион евро

Ризо Асади - 1,2 миллион евро

Шаҳриёр Могханло - 1 миллион евро

Легионерлар:

Нилсон Жуниор 250 минг евро

Браян Дабо 600 минг евро

"Шаржа"

"Насаф"нинг эртанги рақиби БАА Про лигасининг энг қиммат клуби ҳисобланади. "Шаржа" таркиби 36,57 миллион еврога баҳоланган. Таркибда 9 нафар легионер тўп тепади. Жамоанинг ўртача ёши 27,3. "Барселона", "Ювентус" собиқ футболчиси Миралем Пьянич энг қиммат футболчилар рўйхатини бошқармоқда.

Энг қиммат футболчилар учлиги:

Миралем Пьянич (Босния ва Герцоговина) - 5 миллион евро

Лукас Кайо (Бразилия) - 5 миллион евро

Луан Перрейра (Бразилия) - 4,5 миллион евро

Қолган легионерлар:

Фирас Бен Ларби (Тунис) - 4 миллион евро

Муса Марега (Мали) - 3,5 миллион евро

Усман Камара (Гвинея) - 2,5 миллион евро

Костантинос Манолас (Греция) - 2,5 миллион евро

Маро Катинич (Хорватия) - 500 минг евро

Макете Диоп (Сенегал) - 50 минг евро

"Ахал"

Қўшниларимиз камтарона таркибга эга бўлсада ОЧЛда кутилмаган натижалар қайд этаётгани билан эътибор тортмоқда. Назар ташлайдиган бўлсак, "Ахал" таркибида фақат бир нафар легионер борлигини кўришимиз мумкин. Жамоанинг энг қиммат футболчиси 2000 йилда туғилган Мейлис Диниев. Кейинги ўринда "Андижон" ва "Навбаҳор" жамоаларида тўп тепган Элман Тагаев жой олган. Жамоанинг ўртача ёши 27,5

Энг қиммат футболчилар учлиги:

Мейлис Диниев - 75 минг евро

Элман Тагаев - 75 минг евро

Даянч Мередов - 50 минг евро

Легионерлар:

Дидиер Бассамагне (Сенегал) -

"Нассажи Мазандаран"

"Навбаҳор"нинг рақибида номдор легионер ва терма жамоа футболчилари йўқ. Таркибдан фақат икки нафар легионер жой олган. Булар испаниялик Нано ва ироқлик Алаа Аббос. Бугунги кунда таркибнинг умумий нархи 5,96 миллион еврога баҳоланган.

Энг қиммат футболчилар учлиги:

Ноно (Испания) - 750 минг евро

Муҳаммадризо Азади - 450 минг евро

Исмоил Бабаеи - 375 минг евро

"Шаржа", "Ахал", "Сепахон" ва "Нассажи Мазандаран". Қайси жамоа қимматроқ?