Mazkur g'alaba uychilik ashaddiy ishqibozlarni behad quvontirib yuborgani aniq. O'yindan so'ng "Xotira-79" jamoa murabbiyi Shavkat Ahmedov bahs haqida o'z fikrlarini bildirib o'tdi.

- Uchrashuv qiziqarli va teng kurashlar ostida o'tdi. Jang asosan maydon markazida kechdi. Raqib jamoada gol urish uchun 2-3ta xavfli vaziyatlar bo'ldi. Oliy liga jamoasi baribir kuchli ekanligi uchrashuv davomida yaqqol ko'zga tashlandi. Tarkibida mahoratli o'yinchilar borligi uchun ham taktik va texnik jihatdan ular ajralib turdi. "Buxoro" futbolchisi penaltidan unumli foydalana olmadi. Omad esa bizga kulib boqdi.

- Ushbu g'alabamizning zamirida bosh murabbiy Usmon Asqaralievning xizmatlari yotganini alohida takidlab o'tmoqchiman. Sababi tajribali murabbiyning bilim va mahorati evaziga jamoamiz barqarorlik sari dadil odimlamoqda. Yigitlarimizning o'sishga erishayotganida ham aynan ushbu mutaxassisning mehnati bor ekanligini aytib o'tish kerak.

- Oliy liga klubini Kubok bahslarida mag'lub etish har qanday birinchi liga jamoasi uchun yoqimli bo'lishi tabiiy. Biz ham bundan xursandmiz. Stadionimizni to'ldirib o'tirgan muxlislar o'z uylariga mamnuniyat bilan bilan qaytishlarini ko'rishning o'zi quvonchlidir.

- Yigitlarimizning ko'zida o't yonib turgani va ularda g'alabaga bo'lgan ishyotiyoqning yuqori bo'lgani tufayli ham g'alaba qozondik deb hisoblayman.

- Uchrashuvdagi yagona gol muallifi Islombek Isoqjonov haqida nima deyishim mumkin? Bu yigitda gol urishni oldindin his qilish qobilyati mujassam. Qolaversa Isoqjonov uchun mavsum omadli boshlandi va u ketma-ket har o'yinda raqib posbonlarini ranjitib kelmoqda. Iqtidorli hujumchi o'tgan mavsum Buxoroning "Spartak" jamoasida o'ynagandi. Aslida u To'raqo'rg'onlik bo'lib, Namangan futboli tarbiyalanuvchisi hisoblanadi. Joriy mavsum oldidan Islombekni tarkibimizga qo'shib oldik. Umid qilamanki u mavsum davomida hali yana ko'plab gollarga mualliflik qiladi.

Islombek Rustambekov suhbatlashdi.

Shavkat Ahmedov: "Yigitlarimizdagi ishtiyoq yuqori bo'lgani uchun ham "Buxoro"ni mag'lub etdik"