- Бугун андижонлик мухлислар ажойиб ўйинга гувоҳ бўлишди. Майдонда жангавор кураш кечди. Жамоавий ўйин борасида бизнинг йигитлар анчагина устунлик қилишди. Баҳс давомида айнан 2-3та қулай вазиятлар юзага келтирдик. Ярим ҳимоячиларимиз билан ҳужумчиларимизга бирозгина маҳорат етишмади деб ўйлайман – дея гап бошлади Саидов.

- Ҳимоядаги эътиборсизлик туфайли ўйин сўнггиларида дарвозамиздан гол ўтказиб юбордик. Шуни аълоҳида таъкидлашни истардимки, бугун “Андижон” посбони Геннадий Мошняга ўз ишини аъло даражада бажарди. У кўп вазиятларда жамоасини муқаррар голлардан қутқарди. Бугунги ўйинда битта гол ўйин тақдирини ҳал этарди. Бу борада омад мезбонларга кулиб боқди.

- Охирги вақтларда “Металлург” ҳақида ОАВ ва футбол жамоатчилигида кўп гапирилмоқда. Бу жамоага руҳан салбий таъсирини ўтказмаяптими?
- Йўқ, раҳбарият бизни қўллаб-қувватлаб турибди. Футболчиларга ўз вақтида ойлик маошларини бериб боряпмиз. Ҳеч қандай қарздорлик йўқ. Шундай экан ҳаммаси яхши дейиш мумкин – дейди Шавкат Саидов.

Исломбек Рустамбеков ёзиб олди

Шавкат Саидов: “Мухлислар жанговор ўйинга гувоҳ бўлди”