Aynan bugun qo'lga kiritilgan ochko chempionlik poygasiga tasirini o'tkazadi. "Paxtakor" - "Nasaf" qarama-qarshiligi so'nggi 3 mavsumdan beri chempionat bezagiga aylanib bormoqda. Qiziqarli o'tishi kutilayotgan o'yin oldidan barchada turli fikrlar, taxminlar borligi aniq. Shu pallada biz ikki jamoa tarkibida eng yaxshi o'yinlarini o'tkazgan Sherzod Azamovning fikrlari bilan qiziqdik.

"2-turligini hisobga olganda jismoniy tarafdan "Nasaf" yaxshiroq holatda bo'lishi mumkin, chunki ular raqibiga nisbatan ko'proq rasmiy o'yinda maydonga tushishdi. Lekin unutmaslik kerakki, "Paxtakor" hozirgi murabbiy qo'l ostida har doim jismoniy tayyorgarlikka urg'u beradi.
Tarkiblarga kelsak, "Paxtakor" deyarli hech kimni taklif qilmadi. "Nasaf"da ko'p futbolchilar kelib qo'shildi. Asosiy futbolchilar jarohat olgan. Shuning uchun yangi futbolchilar balki katta rol o'ynashi mumkin. "Paxtakor" o'z uyida o'ynashi asosiy ustunligi hisoblansa, "Nasaf"ning kuchli tarafi qarshi hujumga tez o'tishida.
Yana bir jihatga to'xtalishim kerakki, birinchi turdagi o'yinlar hech narsani anglatmaydi. Jamoa yutqazgan taqdirda ham hech narsa yo'qotmaydi. O'yinda favorit yo'q. Nom jihatdan "Nasaf"da yaxshi ijrochilar bor. Bu g'alaba degani emas. "Paxtakor" o'z uyida to'p tepadi",- deydi Sherzod Azamov.

Sherzod Azamov: "Nasaf"da yaxshi nomlar borligi g'alaba degani emas. Bugungi o'yinda favorit yo'q"