Rejaga ko'ra jamoamiz azolari bugun bir mahal mashg'ulot o'tkazishdi. Ertalab, Aleksandr Volkovni jamoamizga qaytganligi haqida malumot berib o'tgandik. Kunning ikkinchi yarmida yurtimizning tajribali mutaxassislaridan biri Vadim Shodimatov ham jamoamiz murabbiylar shtabiga qo'shildi. Shodimatov 2015 yilgi mavsum davomida “Qo'qon-1912” jamoasida faoliyat olib borgandi.

Futbolchilarning maydondagi harakatlarini ilmiy uslubda tahlil qila olish xususiyatiga ega bo'lgan murabbiy endilikda “Navbahor”da ishlaydigan bo'ldi.Bugungi mashg'ulotda jamoa tarkibiga hujumchi Anvar Rajabovni ham qo'shilganligini aytib o'tish joiz. 1988 yilda tug'ilgan Rajabov 2015 yilgi mavsum birinchi yarmini Jizzaxning “So'g'diyona” jamoasida o'tkazib, davralar oralig'ida “Bunyodkor” klubiga ko'chib o'tgandi. Navbatdagi mavsumga ham “qaldirg'ochlar” safida hozirlik ko'rayotgan hujumchi “Bunyodkor”ning BAAdagi yig'iniga ham jalb etilgandi.

Shodimatov va Rajabov “Navbahor”da