Режага кўра жамоамиз аъзолари бугун бир маҳал машғулот ўтказишди. Эрталаб, Александр Волковни жамоамизга қайтганлиги ҳақида маълумот бериб ўтгандик. Куннинг иккинчи ярмида юртимизнинг тажрибали мутахассисларидан бири Вадим Шодиматов ҳам жамоамиз мураббийлар штабига қўшилди. Шодиматов 2015 йилги мавсум давомида “Қўқон-1912” жамоасида фаолият олиб борганди.

Футболчиларнинг майдондаги ҳаракатларини илмий услубда таҳлил қила олиш хусусиятига эга бўлган мураббий эндиликда “Навбаҳор”да ишлайдиган бўлди.Бугунги машғулотда жамоа таркибига ҳужумчи Анвар Ражабовни ҳам қўшилганлигини айтиб ўтиш жоиз. 1988 йилда туғилган Ражабов 2015 йилги мавсум биринчи ярмини Жиззахнинг “Сўғдиёна” жамоасида ўтказиб, давралар оралиғида “Бунёдкор” клубига кўчиб ўтганди. Навбатдаги мавсумга ҳам “қалдирғочлар” сафида ҳозирлик кўраётган ҳужумчи “Бунёдкор”нинг БААдаги йиғинига ҳам жалб этилганди.

Шодиматов ва Ражабов “Навбаҳор”да