Norxonov jamoasining ertangi o'yinga tayyorgarligi hamda "So'g'diyona"ning maqsadlari haqida gapirdi.

"Ertangi o'yinga butkul tayyormiz. Xudo xohlasa, yaxshi natija qayd etgan holda O'zbekistonga yorug' yuz bilan qaytamiz. Uchrashuvning 15:30 ga belgilangani ikkala jamoaga ham qiyinchilik tug'diradi. Shunga qaramay, bor kuchimizni namoyish etgan holda g'alaba bilan qaytishga harakat qilamiz. "So'g'diyona" uchta turnirda kurash olib bormoqda. Bu biroz qiyinchilik tug'diradi. Sababi chempionat bahslari qisqa vaqt oralig'ida bo'lib o'tmoqda. Shunga qaramay, zaxirada ham asosiy tarkibdagilarning o'rnini bosadigan futbolchilar etarlicha. Murabbiylar ushbu o'yinchilardan ham kezi kelganda foydalanishmoqda. Shu bois, OFK kubogi, Superliga va O'zbekiston kubogida ko'ngildagi natijaga erishish uchun harakat qilamiz", - dedi o'zbekistonlik hujumchi.

Eslatib o'tamiz, Shohro'z Norxonov OFK kubogining guruh bosqichida 2 ta gol urishga erishgandi.

Shohruz Norxonov: "So'g'diyona" ertangi o'yinga 100% tayyor"