"O'yin haqida fikr yuritishdan oldin qashqadaryo lik futbol muxlislariga, do'stim Ro'ziqul Berdievga rahmat aytib omad tilayman. "Nasaf" jamoasini shaxsan o'zim hurmat qilaman. "Bunyodkor" bilan o'xshash jamoa desam mubolag'a bo'lmaydi. Chunki raqib o'z tarbiyalanuvchilariga suyanadigan kam sonli klublardan biri hisoblanadi. Ularga OFK kubogida zafarlar tilab qolaman. Bugun qiziqarli o'yin bo'lishi oldindan malum edi. Afsuski yana ilk daqiqalardan xatoga yo'l qo'ydik. Golni o'zimizga o'zimiz olib keldik. 20-daqiqalardan so'ng yigitlar o'yinni o'z qo'liga olishdi. Muxlislar istagan futbolni ko'rsatishdi", - deydi Maqsudov.
Jamoamizda futbolchilar masalasida mavsum boshida muammo paydo bo'lgan edi. Oltita asosiy ijrochilarimiz jamoani tark etdi. Ularning uchtasi himoyachi edi. Ketganlarning o'rnini to'ldira olmadik. Hozir himoyada ham, hujumda variantlarni o'zimizni akademiyadan qidiryapmiz. Birinchi uchrashuvda yaxshi harakat qilgan futbolchi, ikkinchi bahsda o'zini ko'rsata olmayapti. Mirjahonni ikkinchi bo'limda o'yinni kuchaytira olishiga ishondim. Uni o'rinbosarlar safida o'ynab yurgandan beri bilaman. O'tgan yili jarrohlik amaliyotini o'taganidan so'ng sekin - asta tiklanmoqda.
"Nasaf" bilan ochiq futbol o'ynab bo'lmaydi. Biz Qarshida to'p tepdik. Shuni ham inobatga olish kerak. Gol o'tkazib yuborganimizdan so'ng yo'qotadigan narsamiz qolmadi va hujumga o'tdik.
Maqsadimiz har bir o'yinda g'alaba qozonish. Qolganini vaqt ko'rsatadi.
Jim turgan odam befarq bo'ladi. Men esa befarq emasman. Asabiylik, etirozlar faqat o'z shogirdlarimga nisbatan. Lekin buni noto'g'ri talqin qilayotganlar ham bor. Bu futbol", - deydi Shuhrat Maqsudov
Izohlar