Dilshod Andaev ("Mashal-2" jamoasi bosh murabbiyi):

Bugun chempionatning eng kuchli jamoasiga qarshi o'z maydonimizda uchrashuv o'tkazdik. Bugungi bahsda biz hech bo'lmaganda durang uchun o'ynagan edik. Yigitlar yomon o'yin ko'rsatmadi. Darvozabonimizni ikkita qo'pol xatosidan so'ng mag'lubiyatga uchradik.

Bu bosqichda og'ir o'yinlar juda ko'p bo'ldi. Bizni qo'llab-quvvatlagan klub rahbariyatiga, muxlislarga va barcha bizga befarq bo'lmagan insonlarga minnatdorchilik bildiramiz. Mana bugun "Registon"dan so'ng, "Xorazm" va "Spartak" jamoalari ham so'nggi uchrashuvlarga tashrif buyurmadi. Bu esa saviyani tushirib yubormoqda. Bu juda ham achinarli bo'lmoqda. Yana qaytaraman 1 ligani bitta zona qilib ikki davrada o'yin olib borish kerak.

Keyingi bosqichda yana akademiyamizdan chiqqan yoshlarni qabul qilib olib, asosiy jamoamizga kuchli futbolchilar tayyorlaymiz.

Muxtor Qurbonov ("Shurtan" jamoasi bosh murabbiyi):

Juda sust o'yin bo'ldi. Har ikki jamoa ham mavsum oxiriga kelib haddan tashqari charchagandek. Ayniqda birinchi bo'lim ob-havoning keskin issiqligi bois sekinlik bilan ketdi. Baribir har ikki jamoa ham chiroyli o'yin ko'rsatib gol urishga intildi. Menga "Mashal-2"ning yoshlari juda chiroyli o'yin ko'rsatgani yoqdi. Bizni jamoaga kelsak , bizda faqat bitta yo'l bor va biz Oliy ligaga chiqmoqchimiz. Shu bois biz uchun ahamiyatsiz o'yin bo'lmaydi.

Biz birinchi bosqichda hamma ochkoni yig'in olib ikkinchi bosqichda to'xtab qolmoqchi emasmiz. Jamoamiz muvaffaqiyati keyingi bosqichda ham davom etadi. Ikkinchi bosqichni har bir o'yini final bo'ladi. Mana shu tanaffusda kuchliroq tayyorgarlik olib boramiz. Ikkinchi bosqichda tarkibimizda o'zgarish bo'ladi.

Bizga birinchi ligada munosib raqib yo'q deya olmayman. Har bir jamoa "Shurtan"ga qarshi kuchliroq tayyorlanadi va bizni oldinda qiyin uchrashuvlar kutib turibdi. Futbolda hech narsani taxmin qilib bo'lmaydi. Futbolda hamma narsa bo'ladi. Eng kuchli jamoa ham malum hududga borib to'xtaydi. Ikkinchi bosqichda bir necha teng kuchli jamoalar qo'shiladi. "Sharq"da kuchli jamoalar etarlicha. Biz esa kurashishda davom etaveramiz.

"Shurtan" va "Mashal-2" bosh murabbiylarini yakunlangan bosqich haqida fikrlari