- "Lokomotiv" chempionlik uchun kurashayotgan kuchli jamoa. Ularga qarshi o'yin har doim qiyin bo'lib kelgan. Bugungisi ham bundan mustasno emas. "Loko" chempionatda ham, OCHLda ham guruhda peshqadamlar safida. Bu bejizga emasligini bugun ham isbotlashdi. Bugungi rejalarimiz, o'ylab qo'ygan taktikamiz ish bermadi. Keyingi o'yinlarda yaxshi harakat qilib, muxlislarimizni xursand etishga bor kuchimizni sarflaymiz. Buyog'iga doimo olg'a intilmog'imiz lozim. Murabbiyimiz himoyada o'ynab, qarshi hujumda raqibni ushlashga harakat qilishimizni takidlagandi. Ammo buni uddalay olmadik. Birinchi taymdagi belgilangan penalti barcha rejalarimizni buzib qo'ydi. Shuningdek, himoyada ham kutilganidek o'ynay olmadik. Birinchi bo'limdagi asosiy vazifamiz avvalo darvozamizdan to'p o'tkazib yubormaslik edi. Ammo buni uddalash qo'limizdan kelmadi. Yakunda bu bizga pand berdi. Chempionat biz uchun ko'ngildagidek boshlanmagan edi. Dastlabki ikkita turni yomon o'tkazgandik. Ammo "Bunyodkor" bilan o'yindan so'ng jamoa o'ziga kelishni boshladi. O'tgan turda esa "Navbahor"ni mag'lub etib ushbu bahsda alo kayfiyatda tashrif buyurgandik. Jamoamizning ushbu mavsumdagi vazifasi va maqsadi O'zbekiston kubogida zafar quchish. O'zbekiston kubogini qo'lga kiritib, keyingi yili OCHLda yurtimiz sharafini himoya qilish.

Siroj Hamroev: "Mashal"ning vazifasi OCHLga yo'llanma olish"