“Avvalambor, O'zbekistonda futbol mavsumi boshlangani bilan hammani tabriklayman. O'yinga kelsak, taassurotlar juda ham ajoyib. Birinchi o'yin bo'lgani uchun ham boshida biroz qiyin bo'ldi. Asosiysi, murabbiyimiz bergan ko'rsatmalarini bajargan holda, muhim g'alabani qo'lga kiritdik. Qolaversa, jamoa rahbariyati va muxlislarimizning ishonchini ham oqladik.

- Aytingchi, jamoangiz nimaning evaziga muvaffaqiyatga erishdi?

- Asosiysi, birdamlik bilan harakat qilganimiz g'alabamizga sabab bo'ldi. To'g'risi, bugungi bahsda barcha yigitlar mehnat qildi. O'yindan oldin g'alaba qozona olishimizga ishonchimiz yuqori edi. Birgalashik harakat qildik, murabbiy ko'rsatmalariga etibor qaratdik. Bu esa natijasini berdi. Ishonamanki, g'alabali seriyamizni keyingi turlarda ham davom ettiramiz.

- G'alaba to'pini kiritishingizni kutganmidingiz?

- To'g'risi, o'yindan avval jamoa g'alaba qozonishini va gol urishni niyat qilgandim. Jamoadoshim Qahramon Bahodirovga ham o'yindan oldin gol urmasdan, chiqmayman deb vada bergandim (kuladi).

- Keling, endi mavzudan biroz chetlashamiz. Bu jamoaga kelishingiz qay tariqa ro'y berdi?

- Bosh murabbiy Bekzod Qodirqulov taklifi bilan kelganman. Chunki jamoa o'z oldiga yuqori maqsadlarni qo'ygan edi. Shu tomonlari meni qiziqtirdi.

- Unda aytingchi, jamoa o'z oldiga qanday maqsadlarni qo'ygan?

- O'z oldiga yuqori maqsadlar qo'yilgan. Nasib qilsa, biz buni amalga oshirishda bor kuchimiz bilan harakat qilamiz va muxlislarimizga g'alabalar taqdim etamiz.

Siroj Meliev: “O'yindan oldin gol urishni maqsad qilgandim”