Shundan keyin biz futbolchi bilan bog'lanib, yangi jamoasi borasidagi fikrlariga quloq tutdik.

“Buxoro”ni tark etishi borasida

- Bu jamoani tark etishimga bosh murabbiy bilan hech qanday muammo bo'lgani yo'q. Menga ishonch bildirayotgan va munosabatlarimiz ko'ngildagidek edi. Ketishimga asosiy sabab shuki, klub direktori bilan kelishmovchilik bo'ldi. U bergan vadasini ustidan chiqqani yo'q. Shu sabab “Buxoro”ni tark etdim.

U erdagi faoliyati to'g'risida

- Hammasi yaxshi edi. Meni barchasi to'laqonli qoniqtirayotgandi. Yuqorida aytganimdek, klub direktorining lafzidan chiqmagani sababli, jamoani almashtirishga qaror qildim.

“Mashal”ga o'tishi borasida

- Muborakliklar meng ikki yildan beri taklif bilan chiqayotgandi. Natijada, Superliganing bir qator jamoalaridan takliflar bo'lishiga qaramay, men “Mashal” bilan shartnoma imzolashga qaror qildim. Aniqrog'i, klub bilan mavsum yakuniga qadar shartnomaga imzo chekdim.

Superligaga chiqish imkoniyati xususida

- Bizda bu borada yaxshi imkoniyat bor. Oldimizda turgan o'yinlarda ijobiy natijalar ko'rsatish, kerakli ochkolarni jamg'argan holda jamoani elitaga qaytarishni rejalashtirganmiz.

Sobit Sindarov “Buxoro”ni nega tark etdi?