Шундан кейин биз футболчи билан боғланиб, янги жамоаси борасидаги фикрларига қулоқ тутдик.

“Бухоро”ни тарк этиши борасида

- Бу жамоани тарк этишимга бош мураббий билан ҳеч қандай муаммо бўлгани йўқ. Менга ишонч билдираётган ва муносабатларимиз кўнгилдагидек эди. Кетишимга асосий сабаб шуки, клуб директори билан келишмовчилик бўлди. У берган ваъдасини устидан чиққани йўқ. Шу сабаб “Бухоро”ни тарк этдим.

У ердаги фаолияти тўғрисида

- Ҳаммаси яхши эди. Мени барчаси тўлақонли қониқтираётганди. Юқорида айтганимдек, клуб директорининг лафзидан чиқмагани сабабли, жамоани алмаштиришга қарор қилдим.

“Машъал”га ўтиши борасида

- Муборакликлар менг икки йилдан бери таклиф билан чиқаётганди. Натижада, Суперлиганинг бир қатор жамоаларидан таклифлар бўлишига қарамай, мен “Машъал” билан шартнома имзолашга қарор қилдим. Аниқроғи, клуб билан мавсум якунига қадар шартномага имзо чекдим.

Суперлигага чиқиш имконияти хусусида

- Бизда бу борада яхши имконият бор. Олдимизда турган ўйинларда ижобий натижалар кўрсатиш, керакли очколарни жамғарган ҳолда жамоани элитага қайтаришни режалаштирганмиз.

Собит Синдаров “Бухоро”ни нега тарк этди?