Bu haqda jizzaxliklar matbuot xizmati elon qildi.

"Jamoamiz "So'g'diyona" bosh murabbiyi Yorqin Nazarov bilan o'rtadagi kelishuv bekor qilindi.

Xabaringiz bor, Yorqin Nazarov jamoamizni o'tgan mavsum so'ngi ikki turida qabul qilib olgan edi. Murabbiy 2022-yilgi mavsum 25-tur So'g'diyona markaziy stadionida "Lokomotiv" jamoasiga qarshi o'tgan dastlabki uchrashuvda 2-2 hisob qayd etgan bo'lsa, chempionatning so'ngi 26-turida Navoiyda "Qizilqum" jamoasiga 2-1 hisobda mag'lub bo'lib mavsumni turnir jadvalining 7-pog'onasida yakunlangan edi.

Shuningdek Yorqin Nazarov boshchiligidagi "So'g'diyona" joriy mavsumning 3-turini Zomin stadionida o'tkazdi. Dastlabki turda "Bunyodkor"ga kichik hisobda imkoniyat boy berildi. 2-turda "Olimpik" jamoasiga qarshi o'tgan uchrashuv 2-2 hisobda yakunlandi. 3-turda Farg'onaning "Neftchi" jamoasi qabul qilinib 0-2 hisobda imkoniyat boy berildi. So'ngi 4-turni safarda "Navbahor"ga qarshi o'tkazgan jamoamiz yirik hisobda mag'lub bo'ldi. Nazarov boshchiligida jamoamiz joriy mavsumda 4ta uchrashuvda 3ta mag'lubiyat hamda bir marotaba durang natija qayd etib turnir jadvalining so'ng pog'onasida ketmoqda. Bilamizki jamoaning natijalarida murabbiyning roli katta. Afsuski bosh murabbiy Yorqin Nazarov berilgan imkoniyatlardan unumli foydalana olmadi. Shu sababdan Jamoamiz raxbariyati murabbiy Yorqin Nazarov hamda murabbiylar shtabi bilan o'rtadagi shartnoma bekor qilindi.

Biz mutaxasisga keyingi faoliyatida omad tilaymiz.

Klubimiz ijtimoiy tarmoqlarida tez kunlarda yangi bosh murabbiy nomi elon qilinadi" - deyiladi "So'g'diyona" rasmiy bayonotida.

"So'g'diyona" bosh murabbiysiz qoldi