- O'yin haqida

- Bugun qanday o'yin bo'lishini bilar edik. Raqibimiz uch oydan beri g'alaba qozona olmayapti. Uchrashuvni judya yaxshi boshladik. Dastlabki daqiqalarning o'zidayoq bir nechta vaziyatlar yaratdik, ammo taym so'ngida biroz o'yinimiz qovushmadi. Ikkinchi bo'limni ham yaxshi boshladik va gol urdik. Shohruh Abdurahmanov gol urganidan juda xursandman. "Lokomotiv" jamoasiga omad tilayman. Ular yaqindagina bosh murabbiyni o'zgartirishdi. Krestininga ham omad. O'tgan mavsum "Bunyodkor"dagi yaxshi natijalarini "Lokomotiv" bilan ham takrorlashiga tilakdoshman.

- Ivan Boshkovich bir nechta uchrashuvga chetlatilgan edi. Bosh murabbiy bugun tribunalardan o'yinni kuzatdi. So'nggi ikki uchrashuvda jamoani ko'proq kim boshqardi? Sizmi yoki Ivan Boshkovich?

- Ivan Boshkovich mashg'ulotlarni o'zi olib bormoqda. Uchrashuv boshlanishidan avval u tarkib va rejani tuzib berdi. Biz kelishilgan holda ishlayapmiz.

- "So'g'diyona" birinchi davrani kuchli uchlikda yakunlashi qanchalik muhim?

- "Dinamo"ga qarshi ancha jiddiy o'yin bor. Keyin esa kubokda "Neftchi"ga qarshi o'ynaymiz. Qolgan uchrashuvlarda ham maksimal natija qayd etishimiz kerak.

- "So'g'diyona" jamoasi birinchi davrani kuchli uchlikda yakunlashga yaqin turibdi. Keyingi raqib "Dinamo". Ikkinchi davrada ham sovrinli o'rinlarga davogarlik qilish uchun jamoa tarkibini kuchaytirishi kerak. "So'g'diyona"ni yanada kuchaytira oladigan yangi futbolchilarni jamoada qo'ramizmi?

- Futbolchilar yaxshi o'ynashmoqda. Biz ularga ishonamiz. Tarkibda katta o'zgarishlar bo'lmaydi.

- O'zbekiston kubogi pley-off bosqichida "Neftchi"ga qarshi o'ynaysizlar. 1/8 finaldagi "So'g'diyona" - "Neftchi" juftligi eng qizg'in bahslardan biri bo'lishi aniq. Ushbu bahs va "Neftchi" haqida gapirib o'tsangiz?

- Juda qiziqarli o'yin bo'lishi aniq. "Neftchi" ham ancha kuchli jamoa. Kubokda oson bo'lmasligi aniq.

"So'g'diyona" jamoasi yordamchi murabbiyi: "Ivan Boshkovich tarkib va taktika tanlab berdi. Yozgi transferlar oynasida tarkibda katta o'zgarishlar bo'lmaydi"