Ayrim klublarimiz mavsumga tayyorgarlikni 15 dekabrdan boshlasa qolgan jamoalar 20 dekabrda mashg'ulotlarga kirishadi.

“Bu yilgi chempionat men uchun bir tekisda o'tmadi. Birinchi davrada “Paxtakor” jamoasida harakat qildim. “Sherlar” tarkibidan ketganimning ham o'ziga yarasha ayrim sabablari bor. “Paxtakor”ga kelganimda jamoa futbolchilari meni yaxshi kutib olishdi. “Paxtakor” klubida o'z o'yinimni topa olmadim, deb o'ylayman. Ularning o'yin uslubiga moslasha olmadim.

Shuning uchun ham ikkinchi davrada “Qo'qon-1912” jamoasiga ko'chib o'tdim. U erga meni No'mon Hasanov chaqirdi. Chunki ushbu murabbiy meni qanday kuchga ega ekanligimni bilar ekan. Ikkinchi davrada “Qo'qon-1912” klubiiga No'mon Hasanov kelganidan so'ng jamoaning o'yini yaxshi tomonga o'zgara boshladi. Yangi futbolchilar jalb qilindi. Serbiyadan ikkita legioner futbolchi klubga taklif etildi.

Bu yilgi chempionatimiz ancha qiziqarli tarzda o'tdi. Yil futbolchisini alohida ajratib ko'rsatish qiyin. Menimcha yil futbolchisiga “Lokomotiv” klubidan Temurxo'ja Abduxoliqov, “Paxtakor”dan Jaloliddin Masharipov va “Buxoro” jamoasidan Shavkat Salomov yil futbolchisi nomiga sazovor, deb o'ylayman.

Murabbiylarga keladigan bo'lsak, “Nasaf”dan Ro'ziqul Berdiev, “Buxoro”dan Jamshid Saidov va “Qo'qon-1912” klubidan No'mon Hasanov yilning eng yaxshi murabbiylari, bo'lsa kerak", - deydi Suhrob Berdiev.

Jahongir Sotvoldiev

Suhrob Berdiev: “Temurxo'ja Abduxoliqov yil futbolchisi, Ro'ziqul Berdiev yil murabbiyi bo'lsa kerak”