Учрашувдан сўнг жамоа сардори Суҳроб Неъматов билан суҳбатлашдик.

- “Андижон”нинг жорий мавсум ҳисобидан ўз майдонида илк учрашувини ўтказишини ва баҳс осон бўлмаслигини яхши билардик. Шунга монанд тайёргарлик кўрдик ва сафардан имкон қадар очко олиб қайтиш учун астойдил харакат қилдик. Афсуски режамиз амалга ошмади.

- Ўйин ҳақида нима дейишим мумкин? Менимча майдонда тенг кураш кечди. Иккинчи бўлимда бизда ҳам бир қатор голли вазиятлар бўлди. Аммо улардан унумли фойдалана олмадик. Бунда кимнидир айблаш ноўрин деб биламан.
- Ўзимни кўрсатган ўйиним ҳақида яхшиси мураббий фикр билдиргани маъқул. Ииккинчи бўлим ўрталарига келиб бош мураббийнинг қарорига кўра ўрнимни бошқа бир жамоадошимга бўшатиб бердим. Чунки қолган дақиқаларда таваккалчиликка қўл урилди ва иккита соф ҳужумчи билан ўйнадик.

- Жамоада яратилган шароитлар яхши. Бу борада ҳаммаси кўнгилдагидек. Лекин шунга қарамай мухлисларимизни қувонтира олмаётганимиз алам қиляпти. Эътибор берсангиз бу йил ҳам таркиб деярли янгитдан тузилди. Балки янги келган футболчиларнинг янги муҳитга тўлиқ мослашиб кетиши учун вақт керакдир.

- Бизга битта ғалаба керак. Шунда кейин ҳаммаси яхши бўлишига ишонаман.

- Легионерлар? Келинг, яхшиси бу саволни очиқ қолдирайлик.

Исломбек Рустамбеков.

Суҳроб Неъматов: “Бизга битта ғалаба керак. Кейин ҳаммаси яхши бўлади”