"Ал Шабаб"га қарши кечадиган ОЧЛ ўйинида қаршиликларга омад тилаган ҳолда, эътиборингизни "Насаф" ва "Пахтакор" иштирокидаги Ўзбекистон суперкубогига қаратамиз. Суперкубок санаси этиб 14 март белгиланган. Аммо қаерда ўтиши аниқ эмас. ПФЛда 1-2-3 - тур тақвимлари ҳам эълон қилинди. Аҳамият берамиз:

1-турда "Пахтакор" 3 март куни, "Насаф" 4 март куни Суперлигадаги ўз иштирокини бошлайди. Иккинчи турда "Пахтакор" 10 март куни ўйнаса, "Насаф"нинг ўйини ПФЛ расмий сайтидаги маълумот бўйича 12 март санасига қўйилган. Мана шу ерда, ташкилотни декабрда берган маълумотига кўра Суперкубок санаси 14 март қилиб белгиланган. Агар шундай бўладиган бўлса, Рўзиқул Бердиев шогирдларига жуда қийин бўлади. Рақиб ҳам жиддий, "Пахтакор".

"Пахтакор"нинг муаммоси эса бошқа бўлади. 14 март куни Суперкубокда қатнашса, (ҳали 100% аниқ эмас) 17да "Навбаҳор" билан ўйнаши керак. Тикланиш учун табиийки вақт йўқ. Қизиғи, "Насаф" ҳам шу куни "Бухоро"га сафар қилади. Бу ерда энди Катанец бош планга чиқди. Чунки 17 ва 19 март оралиғидаги тур учун, "Насаф" ва "Пахтакор" иштирокидаги ўйинларни биринчи санасига қўйиб беришини сўради, ФИФА куни. Қизиғи, ЎФА ҳамон ФИФА кунида терма жамоа қачон йиғилиши ва унга кимлар жалб қилинган-у, кимларга қарши ўртоқлик учрашувини ўтказиши борасида бир оғиз ахборот бермаган. Умуман бундай келишмовчилик биринчи маротаба бўлаётгани йўқ. Азалдан биз терма жамоа ва лига ўртасида аниқ тақвимни билмаймиз. Бизку майли, аммо бу клублар учун жуда катта қийинчилик туғдириши аниқ. Қачон қаерда ўйнашига қараб режаларини тузишади. Тақвим борасида кўп саволлар юзага келади.

"Насаф"нинг тақвимига қарасангиз, клуб 12 мартдан 17чигача 5 кун ичида 3та ўйин ўтказади. Жамоа Бухорога бир кун олдин боришини ҳисобга олсак тайёргарлик учун вақт муаммога айланади.

12.03.2023 "Насаф" - "Турон"

14.03.2023. Ўзбекистон суперкубоги

17.03.2023. "Бухоро" - "Насаф"

Бугун аниқлашимизча, Суперкубок санаси ўзгариши мумкин экан.

Шахсий таклифим, Суперкубокни август ойида ўтказиш. Бу йил Про Лигага тушиб кетган "Қўқон-1912" мухлислари учун айни муддао бўларди бу ўйин, агар мезбонлик водийликларга берилса. Катта ўйинларни соғинадиган мухлисларга, янгиланаётган чимда Суперкубокни томоша қилиш завқ бериши аниқ. Ўтган йили Яйпанда ҳақиқий футбол байрамига гувоҳ бўлган эдик. Эстафетани Қўқонда қолдирган маъқулроқ, деб биламан.

Суперкубок санаси ўзгаради. Нима учун?