Bu dastlabki xulosalarga sabab bo'lishi mumkin. Hozircha kuchli uchlikni Toshkent klublari yakunlab turibdi. Yani, ular o'z tajribasidan kelib chiqib, mavsumni bir tekis o'tkazishga harakat qilyapti.

Biroq bu hali hammasi emas. Superliganing avvalgi mavsumlardan farqi shundaki, bunda jamoalar markaziy o'yinlarda o'zini ko'rsatishi kerak. Yani, nisbatan kuchsizroq klublar va ularning natijasi chempionlik poygasiga o'z tasirini o'tkaza olmaydi.

Chempionlik yo'lida

Agar chempionatni teng ikkiga bo'lib o'rgansak, “Navbahor” o'z-o'zidan peshqadamga aylanib oladi. “Paxtakor”dan qabul qilib olingan mag'lubiyatni aytmasa, Mo'minjonov jamoasi markaziy o'yinlarda engilmadi. Biroq ikkinchi davra oson bo'lmasligini aytish kerak. Zero namanganliklar “Lokomotiv” va “Bunyodkor” maydonida mehmon bo'ladi.

O'z navbatida “Paxtakor”da imkoniyat yaxshiroq ekanini ham unutmaslik kerak. “Navbahor”ni aytmasa, kuchli oltilikning qolgan jamoalarini Arveladze shogirdlari o'z maydonida qarshi oladi.

Jon saqlash yo'lida

Quyi oltilikda ham raqobat ancha jiddiy. “So'g'diyona” Sergey Lushchanning tashrifidan keyin qaddini biroz bo'lsa-da tiklab oldi. AGMK esa kutilganidan yomonroq o'ynayapti. Bunda ular uchun taqvim ham biroz noqulay kelganini unutmaslik kerak. Zero AGMK dastlabki to'rt turda faqat kuchli oltilik klublariga qarshi kurash olib borishga majbur bo'lgan.

Oldinda yana 11 ta tur o'yinlari bor. Demak, xatolardan xulosa chiqarib, ochkolar ishlab olish uchun hammada imkoniyat bor. 22-turdan keyin mana shu bo'linish o'zgarmaydi. Hozircha esa nazariy jihatdan hatto “Neftchi”da ham kuchli oltilikka kirib olish uchun imkoniyat mavjud. Demak, olg'a yurishda davom etamiz.

Superliga 1-davrasini “Navbahor” peshqadam sifatida yakunladi