Bu uchrashuvlar oldidan taniqli futbol mutaxassisi Ulug'bek Mirzaevning fikrlari bilan qiziqdik.
"Buxoro" - "Bunyodkor"
- "Buxoro"ning iltimosiga ko'ra o'yin "Bunyodkor" stadionida bo'lib o'tadi. Ushbu uchrashuvda favorit "qaldirg'ochlar" bo'lib turibdi. Lekin Ulug'bek Bakaev ham yomon jamoa shakllantirmagan. Taxminim bahs durang natija bilan yakunlanadi.
"Surxon" - "Qo'qon-1912"
- Termizdagi o'yinda kuchlar teng kelsa kerak, chunki "Surxon" hali o'z o'yinini topib olgani yo'q. "Qo'qon-1912"da esa "chaqilmas yong'oq" kabi jamoa tashkil qilingani kabi tasavvur paydo bo'ldi. Taxminim bu o'yinda ham jamoalar murosa ko'chasini tanlashadi.
"Qizilqum" - "Xorazm"
- 5 aprel kunidan o'rin olgan "Qizilqum" - "Xorazm" bellashuvida navoiyliklarning g'alaba qozonish imkoniyatini balandroq hisoblayman.
"Neftchi" - "Navbahor"
- Farg'onaliklar nihoyat bu turda birinchi g'alabasiga erishsa kerak.
"Sho'rtan" - "Nasaf"
- Bu o'yin Qarshida bo'lib o'tadi. "Nasaf" raqibidan kuchliroq ko'rinmoqda. Shu bois "ajdarlar" qiyinchiliksiz g'alaba qozonadi degan taxminni bildiraman.
"Andijon" - "Mashal"
- "Andijon" - "Mashal" o'yinida mezbonlarning imkoniyatini kengroq baholayman. "Andijon" nihoyat 3 ta durangdan so'ng joriy mavsumdagi birinchi g'alabasiga erishadi deb o'ylayman.
"So'g'diyona" - "Paxtakor"
- Ivan Boshkovich jamoasi o'yinda jamoaviylikka etibor qaratib ko'p hujumlar tashkil qilyapti. Oldinga o'tmoqda. "Paxtakor" sekin-asta o'ziga kelmoqda. "Sherlar" ushbu bahsda g'alabani o'ziniki qiladi degan fikrdaman.
OKMK - "Dinamo"
- OKMK o'z o'yinini topib oldi. Zaxira o'rindig'i ham juda yaxshi. Mezbonlar osonlikcha g'alaba qozona olmaydi. "Dinamo" ham munosib o'yin ko'rsatadi ayniqsa oldingi chiziq vakillari yaxshi hujumlar qilmoqda. OKMK qiyinchilikka duch kelishiga qaramay 3 ochkoga ega chiqadi deb o'ylayman.
Izohlar