Turni "Surxon" - "Metallurg" bahsi boshlab beradi. 4 kun davom etadigan mazkur turning barcha o'yinlari bir vaqtda boshlanadi.

Superliga 12-tur o'yinlarining boshlanish vaqti:

19.06.2024

20:00. "Surxon" - "Metallurg"

20.06.2024

20:00. "Navbahor" - "Qizilqum"

20:00. "Nasaf" - "Neftchi"

21.06.2024

20:00. OKMK - "Paxtakor"

20:00. "Bunyodkor" - "Olimpik"

22.06.2024

20:00. "Lokomotiv" - "So'g'diyona"

20:00. "Dinamo" - "Andijon"

Turnir jadvalida ayni paytga kelib Mirjalol Qosimov boshchiligidagi OKMK 20 ochko bilan birinchi pog'onaga ko'tarilib oldi. Olmaliqliklardan bitta kam o'yin o'tkazgan "Nasaf", "Navbahor" va "Neftchi" jamoalari esa peshqadamni quvishmoqda. Bundan tashqari, "So'g'diyona", "Paxtakor" va "Andijon" ham hali chempionlik poygasini davom ettirishmoqda.

To'purarlar ro'yxatini "So'g'diyona" etakchisi Lyupche Doriev 9ta gol bilan boshqarib bormoqda. "Navbahor" hujumchisi Toma Tabatadzeda 8ta gol bor. "Nasaf" forvardi Zoran Marushich hamda "Paxtakor" sardori Dragan Cheranda 5tadan gol bor.

Superliga. Bugun start oladigan 12-turning barcha o'yinlari bir vaqtda boshlanadi