Жамоалар ўртасидаги 26-учрашув (Ўзбекистон чемпионатлари доирасида) ҳақида қизиқарли маълумотларни ҳозирладик.

1. Ўзаро учрашувлардаги устунлик "аждарлар" томонида:

16 ғалаба, 4 дуранг, 5 мағлубият. Тўплар нисбати — "Насаф" 45:25 "Қўқон-1912".

2. Бугунга қадар Қаршида 12 маротаба меҳмон бўлган Қўқон клуби "Насаф" устидан ҳеч ғалаба қозона олмаган (1 дуранг, 11 мағлубият).

3. Жамоалар ўртасидаги сўнгги 2 ўйин Бердиев жамоасининг устунлиги билан якунланди. "Қўқон-1912"нинг охирги ғалабаси эса 2019 йилги мавсумнинг 2-даврасида қайд этилганди.

4. "Қўқон-1912" қаторасига 6 ўйинда ютқазмади. Жамоанинг сўнгги мағлубияти 10 сентябрь куни "Бунёдкор" майдонида қабул қилинган эди (17-тур).

5. "Насаф" август ойидан бери енгилгани йўқ. Жамоанинг мағлубиятсиз ўйинлар серияси 7 тага етди. Рўзиқул Бердиев шогирдлари сўнгги бор "Навбаҳор"га қарши баҳсда майдонни бошлари эгик ҳолда тарк этишган эди (16-тур).

6. Бахтиёр Ашурматов шогирдлари қаторасига 15 ўйинда тўп киритгани ҳолда Суперлигадаги энг яхши голли серияни қайд этмоқда. Жамоа сўнгги бор 8-турда майдонни голсиз тарк этганди ("Пахтакор" 3:0 "Қўқон-1912").

7. Одатда мазкур клублар орасидаги баҳслар голсиз тугамайди. Тарих бунга фақат 1 бор гувоҳлик қилган (2018 йилги мавсумнинг 1-даврасида).

8. Эртага "Насаф" ярим ҳимоячиси Сухроб Нуруллоев собиқ жамоасига қарши майдонга тушиши мумкин.

9. "Қўқон-1912" сафидаги Бобур Акбаров, Славко Лукич, Александр Мерзляков эса бир вақтлар "аждарлар" либосида тўп тепган эди.

Маълумот учун, учрашув Тошкент вақти билан 14:00 да старт олади.

Суперлигада ким "снайпер" бўлади?

Суперлига. "Қўқон-1912" "Насаф"ни ҳеч қачон сафарда енголмаган (9 факт)