Olmaliqda o'tadigan uchrashuvda o'ziga xos intrigalar bor. Xususan, yil avvalida ushbu jamoalar o'rtasida transfer bo'lgan futbolchilar bo'lajak o'yinga alohida tayyorlanishgani aniq. Bugun Suhrob Sultonov va Dilshod Jo'raev AGMK ustozi Mirjalol Qosimovga zaxira futbolchisi emasligini isbotlash niyatida maydonga chiqsa, Abdulla Abdullaev bilan Xurshid G'iyosov “Bunyodkor” rahbariyatini afsuslantirishga urinib ko'radi.

Shuningdek, mazkur klublarni Mirzaevlar xonadonining 2 vakili boshqarayotganini ham alohida takidlash kerak. Joriy yilning yanvar oyida yangi lavozimga tayinlangan Bahodir Mirzaev akasi Ulug'bek Mirzaevning qarshisiga birinchi marta AGMK bosh direktori sifatida chiqadi.

Bir necha kun oldin Shuhrat Maqsudovning o'rnini egallagan Viktor Karpenko futbolchilik davrida Mirjalol Qosimov bilan birga to'p tepgan.

Keyinroq Qo'shoqovichning qo'l ostida o'ynagan Karpenko murabbiylikdagi ilk qadamlarini ham uning yonida tashlagandi. Hattoki, OCHL-2017 guruh bosqichining so'nggi turi doirasida o'tgan “Al Ayn” bilan o'yinga “Bunyodkor”ni aynan Karpenko olib ketgan edi. Bugun ular o'zaro raqib bo'lishadi: 44 yoshli Viktor 51 yoshli ustoziga qarshi.

Mazkur bahs 19:00 da boshlanadi. O'tkazib yubormang!

"Bunyodkor" afsonasi 40 yoshga to'ldi

Superliga. Shogird ustoziga, uka akasiga qarshi...