Олмалиқда ўтадиган учрашувда ўзига хос интригалар бор. Хусусан, йил аввалида ушбу жамоалар ўртасида трансфер бўлган футболчилар бўлажак ўйинга алоҳида тайёрланишгани аниқ. Бугун Суҳроб Султонов ва Дилшод Жўраев АГМК устози Миржалол Қосимовга захира футболчиси эмаслигини исботлаш ниятида майдонга чиқса, Абдулла Абдуллаев билан Хуршид Ғиёсов “Бунёдкор” раҳбариятини афсуслантиришга уриниб кўради.

Шунингдек, мазкур клубларни Мирзаевлар хонадонининг 2 вакили бошқараётганини ҳам алоҳида таъкидлаш керак. Жорий йилнинг январь ойида янги лавозимга тайинланган Баҳодир Мирзаев акаси Улуғбек Мирзаевнинг қаршисига биринчи марта АГМК бош директори сифатида чиқади.

Бир неча кун олдин Шуҳрат Мақсудовнинг ўрнини эгаллаган Виктор Карпенко футболчилик даврида Миржалол Қосимов билан бирга тўп тепган.

Кейинроқ Қўшоқовичнинг қўл остида ўйнаган Карпенко мураббийликдаги илк қадамларини ҳам унинг ёнида ташлаганди. Ҳаттоки, ОЧЛ-2017 гуруҳ босқичининг сўнгги тури доирасида ўтган “Ал Айн” билан ўйинга “Бунёдкор”ни айнан Карпенко олиб кетган эди. Бугун улар ўзаро рақиб бўлишади: 44 ёшли Виктор 51 ёшли устозига қарши.

Мазкур баҳс 19:00 да бошланади. Ўтказиб юборманг!

"Бунёдкор" афсонаси 40 ёшга тўлди

Суперлига. Шогирд устозига, ука акасига қарши...