Bu terma jamoamizning sobiq kiperi Ignatiy Nesterov bo'lib, u "Qizilqum"ni 26 o'yinda jami 45 bor yaqqol golli vaziyatlarda qutqarib qolgan.

Ushbu malumot o'quvchida o'ziga xos "illyuziya" hosil qilishi mumkin: Nesterov hali ham barchadan kuchli ekan.

Xo'sh, aslida ham shundaymi? Yaqinda 39 yoshni qarshi oladigan posbon O'zbekistonda eng yaxshisimi? Bu savollarga uzil-kesil javob berolmaymiz. Kimdir bersa ham, nisbiy bo'ladi. Biz esa shunday fikrlarga asos bo'luvchi bazi statistik malumotlarni keltirish bilan kifoyalanamiz. Xulosa o'zingizdan.

A) O'tkazilgan gollar

Eng kam to'p o'tkazgan posbon: Milan Mitrovich. "So'g'diyona" posboni mavsum davomida o'z darvozasidan atigi 8 ta to'p olib chiqdi. Yana ham aniqlashtirsak, serbiyalik golkiper 1 o'yinda o'rtacha hisobda 0,4 ta gol "qo'yib yubordi". Bu O'zbekiston chempionatidagi eng yaxshi natija. Keyingi o'rinni Sanjar Quvvatov ("Paxtakor") band qilgan - 0,6.

Eng ko'p to'p o'tkazgan posbonlar qatorida yuqorida nomini tilga olganimiz Ignatiy Nesterov ham bor (29 ta). Biroq, "qo'yib yuborilgan" gollarning o'yinlar soniga nisbatini hisoblasak, eng yomon natija Nizomiddin Ziyavutdinovda bo'ladi (o'rtacha 1,6). Shu o'rinda Nizomiddin bu mavsum faqat himoya chizig'i zaif jamoalar darvozasini qo'riqlaganini ham inobatga olish kerak: "Andijon" va "Turon" (yakunda har ikkisi quyi ligaga ravona bo'ldi).

B) "Quruq" o'yinlar

Bu borada 12 tadan o'yin bilan Mitrovich ("So'g'diyona") va Yusupov ("Navbahor") etakchi bo'ldi.

Biroq, yana ham chuqurlashsak, eng yaxshi natija Milanda ekani oydinlashadi. U maydonga tushgan bahslarning 63 foizida "So'g'diyona" darvozasiga to'p kirmagan. Mazkur ko'rsatkich Eldorbek Suyunovda 55%, Yusupovda esa 46% ga teng.

S) Seyvlar

Yuqorida aytganimizdek "qutqarishlar" soni bo'yicha eng yaxshi natija 38 yoshli Nesterovda. Ammo, yana darvozabonlarga taqdim qilingan imkoniyat va shu daqiqalar ichidagi samarali harakatlar nisbatini hisoblasak, 1-o'ringa umuman siz kutmagan kiper ko'tariladi: Dostonbek To'xtaboev. "Mashal" posboni har o'yinda o'rtacha 2,1 marotaba o'z jamoasini yaqqol golli vaziyatlarda qutqarib qoldi.

Xullas, shunaqa gaplar. Aslida yuqorida keltirilgan raqamlar ham nisbiy. Chunki darvozabonlarning statistikasi shakllanishida mudofaa chizig'i vakillarining o'rni beqiyos. Sarlavhada keltirilgan savol bo'yicha esa barchaning o'z fikri bor. Siz qanday fikrdasiz: Superliganing eng kuchli darvozaboni kim?

D-daraja: O'zbekistonda kuchli hujumchi yo'q

Superligadagi eng kuchli darvozabon kim?