Taqvim termizliklar uchun biroz noqulay keldi, deyish mumkin. Ilk turda tajriba va nomlarga to'la OKMKga mag'lub bo'lgan jamoa, endi "Andijon"ni qabul qiladi. Mustahkam himoya qo'rg'oniga ega va taktik jihatdan to'g'ri o'ynaydigan raqib kecha "Nasaf"ning maydonidan tantana bilan qaytgan.

O'zaro o'yinlarga ko'ra, "Surxon" Superligaga qaytganidan beri uydagi bahslarda "Andijon"ga mag'lub bo'lmayapti. 2ta g'alaba, 1ta durang. Uchta bellashuvda ham o'z darvozasi dahlsizligini saqlab qolgan. "Andijon"ning "Surxon" maydonidagi so'nggi g'alabasi 2003 yil qayd etilgan. Demak, startdayoq asr g'alabasini qo'lga kiritgan "burgutlar" oldida yana bir vazifa turibdi. "Ajdarlar"ga issiq "dazmol" bosgan jamoa yana shu ishni qiladimi?

Boshqa tomonidan bugun OKMKdan qabul qilib olingan mag'lubiyat "Surxon"ni sergak torttirishi hech gap emas. Shunday ekan ikkinchi turda Toshkentda haqiqiy jang ko'rishimiz ehtimoli katta.

"Surxon"ni navbatdagi jiddiy sinov kutmoqda. Issiq "dazmol" yoki sovuq "dush"?