Тақвим термизликлар учун бироз ноқулай келди, дейиш мумкин. Илк турда тажриба ва номларга тўла ОКМКга мағлуб бўлган жамоа, энди "Андижон"ни қабул қилади. Мустаҳкам ҳимоя қўрғонига эга ва тактик жиҳатдан тўғри ўйнайдиган рақиб кеча "Насаф"нинг майдонидан тантана билан қайтган.

Ўзаро ўйинларга кўра, "Сурхон" Суперлигага қайтганидан бери уйдаги баҳсларда "Андижон"га мағлуб бўлмаяпти. 2та ғалаба, 1та дуранг. Учта беллашувда ҳам ўз дарвозаси даҳлсизлигини сақлаб қолган. "Андижон"нинг "Сурхон" майдонидаги сўнгги ғалабаси 2003 йил қайд этилган. Демак, стартдаёқ аср ғалабасини қўлга киритган "бургутлар" олдида яна бир вазифа турибди. "Аждарлар"га иссиқ "дазмол" босган жамоа яна шу ишни қиладими?

Бошқа томонидан бугун ОКМКдан қабул қилиб олинган мағлубият "Сурхон"ни сергак торттириши ҳеч гап эмас. Шундай экан иккинчи турда Тошкентда ҳақиқий жанг кўришимиз эҳтимоли катта.

"Сурхон"ни навбатдаги жиддий синов кутмоқда. Иссиқ "дазмол" ёки совуқ "душ"?