"Камчилик бўлиб қолган бўлсак ҳам йигитлар ҳисобни тенглаштира олишди. Умуман олганда бутун ўйин давомида шогирдларим муносиб ўйнашди. Бугунги кўрсатган футболимиздан уялмаслигимиз аниқ", - дейди Агамуродов.

"Бир киши кам бўлиб қолгач барча ҳимояга қайтсин дейишим мумкин эди, агар шундай бўлганида 0:1 ҳисобида ютқазардик. Аммо бу ҳаммаси тахминлар. Мен шогирдларимга барча вазиятда тўп учун охиригача курашишни айтдим. Ўтказиб юборган голларимизга қаранг, пенальти бўлган вазиятдан ҳимоячилар хато қилишди, иккинчи голда дарвозабо тўпни қўлидан чиқариб юборди... Ҳаммаси кичик хатолардан сўнг бўлди".

"Мен "Пахтакор"да ишлаганимда Жепаров, Кападзе каби ёшлар бўларди. Ўша жамоа билан биз икки бор ОЧЛ ярим финалига чиққандик. Уларнинг кўпчилиги ҳамон Ўзбекистон терма жамоасида ўйнамоқда. Қайси "Пахтакор" кучли ўша вақтдагими ёки ҳозиргиси буни мухлислар ҳал қилишсин".

"Мени ёнимга мухлислар келиб Ўзбекистондаги фаолиятим учун раҳмат айтиб миннатдочилик билдиришлари туфайли ҳам шу ерда қолиб ишлаяпман. Балки охиригача шу ерда ишларман".

"Янги келган футболчилардан кўнглим тўқ. Бугун Ильин ҳам хато қилди, аммо унинг ўйинидан қониқдим. У бугун биринчи марта мени қўл остимда ўйнади. Бундан ташқари уч кун олди Ўзбекистонга келган Рижко ҳам ёмон ўйнамади. Молиявий имкониятимиздан келиб чиқиб амалга оширилган трансферлардан кўнглим тўлди".

"Пахтакор"ни бугунги ғалабаси билан табриклайман".

Тачмурад Агамуродов: "Камчилик бўлиб қолган бўлсак ҳам муносиб ўйин кўрсатдик"