O'yin haqida

- O'yin haqida nimani aytish mumkin, jamoamiz yigitlari bugun yomon o'yin ko'rsatishmadi. Har ikki gol o'z xatolarimiz evaziga urildi. Birinchi gol jarima zarbasidan so'ng yuzaga keldi. Ikkinchisida futbolchimiz o'z jarima maydonimiz ichkarisida orqadan qo'pollik ishlatdi. Shuningdek, bizning golimiz o'yindan tashqari xolat evaziga inobatga olinmadi.

Men o'yinoldi tayyorgarlik jarayonida futbolchilarga kartochkalardan ehtiyot bo'lishlari haqida aytayapman. Biroq biz har o'yinda kartochkalardan qutulmayapmiz.

Albatta "Andijon" jamoasini g'alaba bilan tabriklaymiz, kelgusi tur o'yinlarida ham omad yor bo'lsin.

- Ikkinchi bo'limda o'yinga qo'shilgan futbolchining yana zaxiraga olinishi sababi nima?

- Oybek Nurmatov yomon o'ynagani uchun zaxiraga olinmadi. Ayni o'sha vaziyatda bizga bosh bilan yaxshi o'ynaydigan futbolchi zarur edi. Bilasiz, "Andijon" standart vaziyatlarga alohida yondashadi, ikkinchi qavatda ham yaxshi o'yin namoyish etadi. Biz aynan bosh bilan yaxshi o'ynaydigan futbolchini maydonga tushirib, shu xavfni oldini olmoqchi bo'ldik. Takrorlayman, Oybek Nurmatov yomon o'ynagani uchun zaxiraga olinmadi.

Tachmurod Agamurodov: "Har ikki golda o'zimizning aybimiz bor"