Bugun biz uchun juda muhim bahs edi. Ikkala jamoa ham musobaqa jadvalida deyarli yonma-yon edi. Uchrashuv oxirida konsentraciyani yo'qotib qo'ydik, o'yin so'nggida majburiy o'zgarishlarni amalga oshirdik. Alamli durang, ammo bu futbol", - deydi Agamurodov.

- Sherali Jo'raev bugun hujumchi ortida o'ynadi...
- Sababi u universal futbolchi, oldinda ijodkor futbolchi etishmayotgandi. U gol urdi, afsuski o'yin so'nggida almashtirishlarini so'radi.

- Qanotlarda o'ynagan Abdullajonov va Ibragimov haqida fikringiz...
- Oldingi o'yinlarga qaraganda ular yaxshi o'ynashdi. Ibragimov mening qo'l ostimda ilk bor asosiy tarkibda tushdi. Ularga etiroz yo'q.

- Jamoaning qoniqarsiz natijalaridan keyin rahbariyat sizga ishonayaptimi?
- Buni rahbariyatdan so'rash kerak. Biz o'z ishimizni bajarayapmiz, menimcha qisqa vaqt ichida katta natijalar talab qilish noto'g'ri. Rahbariyat oldida vijdonimiz toza, faqatgina natija yo'q. Nima uchun g'alaba qozona olmayotganimizning ko'plab sabablari bor, ularni aytishni boshlasam ko'p vaqt ketadi.

Tachmurod Agamurodov: "Rahbariyat oldida vijdonimiz toza"