- Tojikiston terma jamoasi Jahon chempionatiga qanday tayyorgarlik ko'rdi? Dastlabki raqib Marokash terma jamoasi haqida ham gapirib o'tsangiz.

- Yana bir bor O'zbekistonga tashrif buyurganimdan xursandman. Marokash jamoasi juda kuchli, ammo bizning yigitlar ham uchrashuvga 100% tayyor. Yaxshi o'yin namoyish etib, nasib qilsa g'alaba qozonamiz.

- Guruhdagi raqiblar Panama, Portugaliya va Marokash terma jamoalari haqida fikr bildirib o'tsangiz?

- Kuchli guruhdan joy olganimiz. Portugaliya Jahon chempioni va Evropa chempionati g'olibi. Marokash esa o'z mintaqasida g'olib bo'lgan. Umuman olganda, mundialda kuchsiz jamoalarning o'zi bo'lmaydi. Raqiblarimiz kuchli bo'lishiga qaramay, biz har kimga qarshi o'ynashga tayyormiz.

- Tojikiston terma jamoasining Jahon chempionatidagi maqsadlari qanday?

- Biz qo'shni mamlakatlarimiz va shu sababli Tojikistonlik muxlislarning soni ham ko'p bo'ladi deb o'ylayman. O'zbekistonlik muxlislar ham bizni qo'llab-quvvatlashadi degan umiddaman. O'z o'yinimiz bilan muxlislarni xursand qilishimiz kerak.

Abdulvosit Bektemirov suhbatlashdi

Tojikiston futzal terma jamoasi sardori: "O'zbekistonlik muxlislar ham bizni qo'llab-quvvatlashadi degan umiddaman"