Tur davomida o'zlarining yorqin o'yinlari va jamoa g'alabasiga qo'shgan hissalaridan kelib chiqqan holda o'z poziciyasida eng yaxshi bo'lgan futbolchilar iborat 4-3-3 sxemasi asosida jamoa tuzib chiqildi.

Unga ko'ra, "Surxon"ga qarshi o'yinda 4 marotaba jamoasini muqarrar gollardan qutqargan va bir bora penaltini bartaraf etgan "Dinamo" posboni Botirali Ergashev darvozaga qo'yildi. Himoyachi chizig'ida "Andijon" jamoasi himoyachisi Bobur Amonov o'ng qanotga, "Surxon" himoyachisi Vladimir Bubanya markazga "Qo'qon-1912" mudofaa vakili Mako Milich bilan tandem xosil qildi. Chap qanot himoyasiga esa "Bunyodkor"ga qarshi bahsda faol o'ynagan "Paxtakor" azosi Farruh Sayfiev qo'yildi.

O'rta chiziq, yani markaziy yarim himoyaga "Nasaf" xavbeki, "So'g'diyona"ga qarshi o'yinni juda faol o'tkazgan va gol urgan Bobur Davlatovni qo'ydik. "Navbahor" bilan o'yinda juda faol o'ynagan Diyor Turopov ham ramziy terma jamoaga loyiq ko'rildi. Shuningdek, markazdagi uchlikni "Metalurrg" azosiga aylangan va "Buxoro" bilan o'yindagi dastlabki golga hammualliflik qilgan Bahrom Abduraximov qo'yildi.

Hujum chizig'i uchligida esa mazkur turda eng yaxshi futbolchilar qatorida tilga olingan va jamoalariga g'alaba keltiruvchi gollarni urgan Elguja Grigalashvili, Temurxo'ja Abduxoliqov va Dragan Cheran joylashdi.

Tur ramziy terma jamoasi (4-3-3):
Darvozabon: Botirali Ergashev ("Dinamo")
Himoyachilar: Bobur Amonov ("Andijon"), Vladimir Bubanya ("Surxon"), Marko Milich ("Qo'qon-1912"), Farruh Sayfiev ("Paxtakor")
Yarim himoyachilar: Diyor Turopov ("Lokomotiv"), Bobur Davlatov ("Nasaf"), Bahrom Abduraximov ("Metallurg")
Hujumchilar: Elguja Grigalashvili ("Qizilqum"), Temurxo'ja Abduxoliqov ("Lokomotiv"), Dragan Cheran ("Paxtakor").

Superliga, 2-tur: Aktamovning haloskori - Elguja, uch xil natija bo'yicha yagonalikni saqlab turgan jamoalar va boshqa tafsilotlar haqida (tur sharhi)