Тур давомида ўзларининг ёрқин ўйинлари ва жамоа ғалабасига қўшган ҳиссаларидан келиб чиққан ҳолда ўз позициясида энг яхши бўлган футболчилар иборат 4-3-3 схемаси асосида жамоа тузиб чиқилди.

Унга кўра, "Сурхон"га қарши ўйинда 4 маротаба жамоасини муқаррар голлардан қутқарган ва бир бора пенальтини бартараф этган "Динамо" посбони Ботирали Эргашев дарвозага қўйилди. Ҳимоячи чизиғида "Андижон" жамоаси ҳимоячиси Бобур Амонов ўнг қанотга, "Сурхон" ҳимоячиси Владимир Бубанья марказга "Қўқон-1912" мудофаа вакили Мако Милич билан тандем хосил қилди. Чап қанот ҳимоясига эса "Бунёдкор"га қарши баҳсда фаол ўйнаган "Пахтакор" аъзоси Фарруҳ Сайфиев қўйилди.

Ўрта чизиқ, яъни марказий ярим ҳимояга "Насаф" хавбеки, "Сўғдиёна"га қарши ўйинни жуда фаол ўтказган ва гол урган Бобур Давлатовни қўйдик. "Навбаҳор" билан ўйинда жуда фаол ўйнаган Диёр Туропов ҳам рамзий терма жамоага лойиқ кўрилди. Шунингдек, марказдаги учликни "Металуррг" аъзосига айланган ва "Бухоро" билан ўйиндаги дастлабки голга ҳаммуаллифлик қилган Баҳром Абдурахимов қўйилди.

Ҳужум чизиғи учлигида эса мазкур турда энг яхши футболчилар қаторида тилга олинган ва жамоаларига ғалаба келтирувчи голларни урган Элгужа Григалашвили, Темурхўжа Абдухолиқов ва Драган Черан жойлашди.

Тур рамзий терма жамоаси (4-3-3):
Дарвозабон: Ботирали Эргашев ("Динамо")
Ҳимоячилар: Бобур Амонов ("Андижон"), Владимир Бубанья ("Сурхон"), Марко Милич ("Қўқон-1912"), Фарруҳ Сайфиев ("Пахтакор")
Ярим ҳимоячилар: Диёр Туропов ("Локомотив"), Бобур Давлатов ("Насаф"), Баҳром Абдурахимов ("Металлург")
Ҳужумчилар: Элгужа Григалашвили ("Қизилқум"), Темурхўжа Абдухолиқов ("Локомотив"), Драган Черан ("Пахтакор").

Суперлига, 2-тур: Актамовнинг ҳалоскори - Элгужа, уч хил натижа бўйича ягоналикни сақлаб турган жамоалар ва бошқа тафсилотлар ҳақида (тур шарҳи)