Musobaqaning hal qiluvchi final uchrashuvida Yaponiya va Tojikiston o'smirlar terma jamoasi o'zaro to'qnash kelib bunda yaponiyaliklar 1:0 hisobida zafar quchishdi. O'yindan keyin har ikki jamoa bosh murabbiylari quyidagicha fikr bildirishdi.

Yoshiro Moriyama (Yaponiya): "O'yinlar juda qiyin bo'lishini musobaqadan oldin aytgandim. Amalda shunday bo'ldi ham. Lekin shogirdlarim o'yindan o'yinga kuchayib borishdi. Biz g'oliblik shohsupasiga chiqquniga qadar bir qator qiyinchiliklarni engib o'tdi. Raqibimiz Tojikiston bizga etarlicha qarshilik qila oldi. Guruh o'yinida ularning darvozasiga to'p kirita olmagandik, ammo finalda buni uddalay oldik".

Zayniddin Rahimov (Tojikiston): "Avvalo musobaqa alo darajada o'tgani uchun tashkilotchilarga katta rahmat. Men shuningdek o'z shogirdlarimga hamda bizni qo'llab turgan muxlislarga ham minnatdorchilik bildiraman. Shogirdlarim bilan faxrlanaman, ular ajoyib natija qayd etishdi. Birinchi o'yinda Malayziyaga 2:6 hisobida yutqazib qo'yganimizdan so'ng finalga chiqishimizga ko'pchilik ishonmagandi. Biz uchun ikkinchi o'rin ham faxrli natija".

U-16 Osiyo chempionati. Finaldan keyingi fikrlar