Мусобақанинг ҳал қилувчи финал учрашувида Япония ва Тожикистон ўсмирлар терма жамоаси ўзаро тўқнаш келиб бунда японияликлар 1:0 ҳисобида зафар қучишди. Ўйиндан кейин ҳар икки жамоа бош мураббийлари қуйидагича фикр билдиришди.

Йоширо Морияма (Япония): "Ўйинлар жуда қийин бўлишини мусобақадан олдин айтгандим. Амалда шундай бўлди ҳам. Лекин шогирдларим ўйиндан ўйинга кучайиб боришди. Биз ғолиблик шоҳсупасига чиққунига қадар бир қатор қийинчиликларни енгиб ўтди. Рақибимиз Тожикистон бизга етарлича қаршилик қила олди. Гуруҳ ўйинида уларнинг дарвозасига тўп кирита олмагандик, аммо финалда буни уддалай олдик".

Зайниддин Раҳимов (Тожикистон): "Аввало мусобақа аъло даражада ўтгани учун ташкилотчиларга катта раҳмат. Мен шунингдек ўз шогирдларимга ҳамда бизни қўллаб турган мухлисларга ҳам миннатдорчилик билдираман. Шогирдларим билан фахрланаман, улар ажойиб натижа қайд этишди. Биринчи ўйинда Малайзияга 2:6 ҳисобида ютқазиб қўйганимиздан сўнг финалга чиқишимизга кўпчилик ишонмаганди. Биз учун иккинчи ўрин ҳам фахрли натижа".

U-16 Осиё чемпионати. Финалдан кейинги фикрлар