Осиёнинг 45 мамлакатининг ўсмирлар терма жамоалари 2018 йилги U-16 Осиё чемпионатига чиқиш учун курашни бошлашади.

Ғарб минтақасида 23, Шарқ минтақасида 22 терма жамоа жами 10та гуруҳга ажратилди.

ОФКда фаолият олиб бораётган ўзбекистонлик Аваз Бердиқулов ўтказган қуръа натижаларига кўра Ўзбекистон ўсмирлар терма жамоаси "A" гуруҳидан ўрин олди. Ушбу гуруҳда вакилларимизга Саудия Арабистони, Иордания, Баҳрайн ва Шри Ланка жамоалари рақиблик қилишади. Ушбу гуруҳ ўйинлари Саудия Арабистони мамлакатида бўлиб ўтади.

Ҳар бир гуруҳда биринчи ўринни олган 10та жамоа ва энг яхши кўрсаткичга эга бўлган 6та жамоа Осиё чемпионати финал босқичига чиқади.

"A" гуруҳи: Ўзбекистон, Саудия Арабистони, Иордания, Баҳрайн, Шри Ланка
"B" гуруҳи: Уммон, Тожикистон, Сурия, Туркманистон, Мальдив ороллари
"C" гуруҳи: Эрон, Қирғизистон, Афғонистон, Ливан, Бутан
"D" гуруҳи: Ироқ, Ҳиндистон, Фаластин, Непал
"E" гуруҳи: БАА, Яман, Қатар, Бангладеш

"F" гуруҳи: КХДР, Гонгконг, Хитой Тайпеи, Макао, Бруней
"G" гуруҳи: Таиланд, Лаос, Тимор Лесте, Шимолий Мариана ороллари, Индонезия
"H" гуруҳи: Жанубий Корея, Хитой, Мянмар, Филиппин
"I" гуруҳи: Вьетнам, Австралия, Мўғулистон, Камбоджа
"J" гуруҳи: Япония, Малайзия, Сингапур, Гуам

Саралаш баҳслари 16-24 сентябрь кунлари бўлиб ўтади.

U-16 Осиё чемпионати саралаши. Ўзбекистон ўз рақибларини билиб олди